অষ্ট্ৰেলিয়ান ক্ৰিকেট দলৰ প্ৰাক্তন তাৰকা, নিৰ্ভৰযোগ্য মিডল অৰ্ডাৰ বেটছমেন মাইকেল হাচীয়ে ভাৰতীয় দলৰ প্ৰাক্তন অধিনায়ক মহেন্দ্ৰ সিং ধোনীক অষ্ট্ৰেলিয়াৰ সৰ্বশ্ৰেষ্ঠ অধিনায়ক ৰিকি পইণ্টিঙতকৈ আগস্থান দিছে।
ধোনী সম্পৰ্কত মত ব্যক্ত কৰি মাইকেল হাচীয়ে ধোনীয়ে পইণ্টিঙতকৈ পৰিকল্পনাগতভাৱে বেছি ভালকৈ খেলখন বুজি পাইছিল বুলি উল্লেখ কৰে।
‘‘খেলপথাৰত ধোনীয়ে লোৱা কিছুমান সিদ্ধান্তই মোক আচৰিত কৰি তুলিছিল আৰু মই ভাবি অবাক হৈছিলো কেনেদৰে তেও এই সিদ্ধান্ত ল’ব পাৰে? কিন্তু অলপ পাছতে মই ধোনীয়ে লোৱা সিদ্ধান্তৰ ফলাফল দেখিছিলো,’’ প্ৰাক্তন অষ্ট্ৰেলিয়ান ক্ৰিকেটাৰ গৰাকীয়ে লগতে কয়।
আনহাতে, মাইকেল হাচীয়ে ধোনী আৰু পইণ্টিঙক দুজন বেলেগ বেলেগ ধৰণৰ অধিনায়ক হিচাপে আখ্যা দুয়ো গৰাকীয়ে অধিনায়কে নিজৰ নিজৰ ধৰণেৰে সফল বুলি কয়।
উল্লেখযোগ্য যে, মাইকেল হাচীয়ে আই পি এলত ধোনীৰ অধিনায়কত্বত চেন্নাই চুপাৰ কিংছৰ হৈ একেলগে খেলিছিল।
ধোনীৰ নেতৃত্বত খেলিয়ে হাচীয়ে চেন্নাই চুপাৰ কিংছৰ হৈ বহু সফলতা দেখিছিল।
অষ্ট্ৰেলিয়াৰ প্ৰাক্তন ক্ৰিকেটাৰ শ্বেন ৱাটছনেও মহেন্দ্ৰ সিং ধোনীক অধিনায়কত্বক প্ৰশংসা কৰি তেও খেলা আটাইতকৈ পচন্দৰ অধিনায়ক ধোনী বুলি কৈছিল।
ইংলেণ্ডৰ প্ৰাক্তন তাৰকা বেটছমেন কেভিন পিটাৰছেনেও কিছু দিন পূৰ্বে মহেন্দ্ৰ সিং ধোনীক বিশ্বৰ শ্ৰেষ্ঠ অধিনায়ক আখ্যা দিছিল।