• About
  • Copyright
  • Privacy Policy
  • Authors
  • Contact
English |  
Monday, January 25, 2021
NORTHEAST NOW (Assamese)
  • মুখ্যপৃষ্ঠা
  • অসম
  • নৰ্থ-ইষ্ট
    • অৰুণাচল
    • অসম
    • ছিকিম
    • ত্ৰিপুৰা
    • নাগালেণ্ড
    • মণিপুৰ
    • মিজোৰাম
    • মেঘালয়
  • প্ৰতিৱেশী
  • অভিমত
  • ক্ৰীড়া
  • বাণিজ্য
  • সংস্কৃতি
  • সাহিত্য
  • অটো
  • জলিউদ
  • জীৱনশৈলী
  • প্ৰযুক্তি
  • মনোৰঞ্জন
No Result
View All Result
  • মুখ্যপৃষ্ঠা
  • অসম
  • নৰ্থ-ইষ্ট
    • অৰুণাচল
    • অসম
    • ছিকিম
    • ত্ৰিপুৰা
    • নাগালেণ্ড
    • মণিপুৰ
    • মিজোৰাম
    • মেঘালয়
  • প্ৰতিৱেশী
  • অভিমত
  • ক্ৰীড়া
  • বাণিজ্য
  • সংস্কৃতি
  • সাহিত্য
  • অটো
  • জলিউদ
  • জীৱনশৈলী
  • প্ৰযুক্তি
  • মনোৰঞ্জন
No Result
View All Result
NORTHEAST NOW (Assamese)
English
Home উত্তৰ-পূব অসম

অসম, মণিপুৰ, অৰুণাচল আৰু ম্যানমাৰৰ নাগাসকল নাগালেণ্ডৰ খিলঞ্জীয়া হ’ব নোৱাৰে : প্ৰাক্তন মুখ্য মন্ত্ৰী জমিৰ

অনুপ চেতিয়াৰ উপস্থিতিত ডিমাপুৰত নাগা ইণ্ডেজেনাছ পীপলছ ফ’ৰামৰ আনুষ্ঠানিক জন্ম

NE NOW NEWS এন ই নাও নিউজ
গুৱাহাটী , October 27, 2019 6:02 pm

3 min read

Nagaland Indigenous People’s Forum

নাগা ইণ্ডেজেনাছ পীপলছ ফ’ৰামৰ আনুষ্ঠানিক শুভাৰম্ভ অনুষ্ঠান। ২৬ অক্টোবৰত। ফটোৰ উৎস : ফেইচবুক।

751
VIEWS
Share on FacebookShare on Twitter

নাগালেণ্ডৰ প্ৰাক্তন মুখ্য মন্ত্ৰী এছ চি জমিৰে কৈছে যে অসম, মণিপুৰ, অৰুণাচল প্ৰদেশ আৰু ম্যানমাৰৰ নাগাসকল নাগালেণ্ডৰ খিলঞ্জীয়া হ’ব নোৱাৰে, এওঁলোক সেইবোৰ ৰাজ্য আৰ দেশৰহে খিলঞ্জীয়া।

“নাগা হ’ল বুলিয়েই তেওঁলোকে নিজকে নাগালেণ্ডৰ খিলঞ্জীয়া বুলি দাবী কৰিব নোৱাৰে”, ২৬ অক্টোবৰত ডিমাপুৰত এখন সভাত জমিৰে দিয়া এই বক্তব্যৰ উদ্ধৃতি দিছে নাগালেণ্ড পোষ্টে।

জমিৰ ৫বাৰকৈ ৰাজ্যখনৰ মুখ্য মন্ত্ৰী হোৱাৰ উপৰি গুজৰাট, মহাৰাষ্ট্ৰ, গোৱা আৰু উৰিষ্যাৰ ৰাজ্যপাল আছিল।

নাগালেণ্ড পোষ্টত প্ৰকাশ পোৱা বাতৰিটো মতে, জমিৰে নিজৰ মতৰ সপক্ষে ব্যাখ্যা আগ বঢ়াই কয়, “চীনা মানুহবোৰ বিশ্বৰ বিভিন্ন ঠাইত বাস কৰি আছে। কিন্তু চীনে এই মানুহবোৰক চীনৰ খিলঞ্জীয়া মানুহ বুলি গণ্য নকৰে।”

“এই গুৰুত্বপূৰ্ণ বিষয়টোত নাগালেণ্ডৰ নাগাসকলে যিকোনো উপাদান বা ন্যস্তস্বাৰ্থৰ দ্বাৰা বিভ্ৰান্ত হ’ব নালাগে বা ভীতিগ্ৰস্ত হ’ব নালাগে”, জমিৰৰ আহ্বান।

প্ৰাক্তন মুখ্য মন্ত্ৰীজনে ২৬ অক্টোবৰত ডিমাপুৰস্থিত ডন বস্কো স্কুলত নাগা ইণ্ডিজেনাছ পীপলছ ফ’ৰাম (নাগা খিলঞ্জীয়া লোকৰ মঞ্চ)ৰ আনুষ্ঠানিক শুভাৰম্ভ কৰি ভাষণ দিছিল। এই মঞ্চখন নৰ্থ ইষ্ট ইণ্ডিজেনাছ পীপল ফৰামৰ (North East Indigenous People Forum (NEIPF)) নাগালেণ্ড শাখা।

তেওঁ খিলঞ্জীয়া নাগাসকলক চিনাক্ত কৰা বিষয়টো নিৰাৱেগ আৰু ৰাজনৈতিক দূৰদৰ্শিতাৰ দৃষ্টিৰে লোৱা উচিত বুলি মন্তব্য কৰে। তেওঁৰ মতে, ই নাগালেণ্ডৰ বৰ্তমানৰ আৰু ভৱিষ্যতৰ বাসিন্দাসকলৰ জীৱনক প্ৰভাৱিত কৰিব।

“বিষয়টোত আগ বাঢ়োতে সাম্প্ৰদায়িক, জনজাতীয় অথবা ধৰ্মীয় পক্ষপাত নকৰাকৈ এটা বহল দৃষ্টিভংগি লোৱা উচিত”, জমিৰৰ মন্তব্য।

তাৎপৰ্য্যপূৰ্ণভাৱে এটা সূত্ৰত প্ৰকাশ যে জমিৰে নাগালেণ্ডৰ কছাৰীসকলক নাগালেণ্ডৰ খিলঞ্জীয়া বুলি কালিৰ সভাখনত মন্তব্য কৰে।

কংগ্ৰেছৰ প্ৰাক্তন মুখ্য মন্ত্ৰীজনে পৰিসংখ্যা দাঙি ধৰি কয়, বৰ্তমান নাগালেণ্ড ৰাজ্যখনে ১৬০০০ বৰ্গ কিলোমিটাৰতকৈ সামান্য বেছি ভূমি সামৰি আছে আৰু প্ৰায় ২ নিযুত জনসংখ্যা আছে। কিন্তু ২০৫০ চনত এই সংখ্যা প্ৰায় ৫ নিযুত হ’বগৈ।

“আমি বৰ্তমান থকা ঠাইখিনি নাগালেণ্ডৰ খিলঞ্জীয়াৰ বাবে যথেষ্ট নহয় আৰু জনসংখ্যাতো বাঢ়িয়েই থাকিব। ঠাই নাবাঢ়ে, চাকৰি-বাকৰিও সীমাবদ্ধ হ’ব”, জমিৰে সাৱধানবাণী দি কয়।

তেওঁ খিলঞ্জীয়া বিষয়টোত বৰ্তমানৰ ৰাজ্যখনৰ নেতৃত্বই লোৱা সিদ্ধান্তই নাগালেণ্ডৰ নৱ প্ৰজন্মৰ উত্তৰবৰ্তিতা (survival) নিৰ্ণয় কৰিব।

তেওঁ উত্তৰ-পূবৰ সকলোকে বৃহৎ শক্তিবোৰৰ আগ্ৰাসনৰ বিৰুদ্ধে মাৰবান্ধি থিয় হোৱাৰ আহ্বান জনায়।

ৰাজ্য হিচাপে নাগালেণ্ডৰ জন্ম দিয়া ১৯৬০ চনৰ চুক্তিখনত স্বাক্ষৰকাৰী নাগা পীপলছ কনভেনশ্যনৰ (Naga People’s Convention ) একমাত্ৰ জীৱিত সদস্য।

নাগা ইণ্ডিজেনাছ পীপলছ ফ’ৰাম আলফাৰ সাধাৰণ সম্পাদক অনুপ চেতিয়া আৰু আন কেইবাজনো নেতাৰ নেতৃত্বত গঠিত নৰ্থ ইষ্ট ইণ্ডিজেনাছ পীপল ফৰামৰ (North East Indigenous People Forum (NEIPF)) নাগালেণ্ড শাখা। অনুষ্ঠানটোত সন্মানীয় অতিথি হিচাপে এন ই আই পি এফৰ মুখ্য আহ্বায়ক অনুপ চেতিয়াও উপস্থিত আছিল।

চেতিয়াই নিজৰ ভাষণত বহিৰাগত আৰু অনুপ্ৰৱেশকাৰীৰ বিৰুদ্ধে খিলঞ্জীয়াসকলক সতৰ্ক কৰি দিয়ে।

“নাগৰিকত্ব সংশোধনী বিধেয়কখন গৃহীত হ’লে হিন্দু প্ৰব্ৰজনকাৰী আহি আমাৰ ভূমিত বহি ল’ব”, চেতিয়াই সাৱধান কৰি দি কয়।

তেওঁ ফ’ৰামখনৰ উদ্দেশ্য সমগ্ৰ উত্তৰ-পূবৰ জনসাধাৰণৰ সংস্কৃতি, পৰিচয় আৰু ভাষাক সুৰক্ষা দিয়া বুলি উল্লেখ কৰে।

উল্লেখ কৰিব পাৰি, এন এছ চি এনে সমগ্ৰ নাগাসকলক একত্ৰিত কৰি বৃহত্তৰ নাগালিম গঠনৰ বাবে দীৰ্ঘদিন ধৰি সশস্ত্ৰ বিদ্ৰোহ কৰি আহিছে, যিটোৰ পৰিসমাপ্তি নাগা শান্তিচুক্তিৰ মাজেৰে হ’বলৈ গৈ আছে। এই মাহৰ ভিতৰতে ইয়াৰ অন্তিম ৰূপায়ণ হোৱাৰ কথা।

Recent News

Screenshot_20210124_172110

কা বাতিলৰ দাবীত উত্তাল প্ৰতিবাদ মাৰ্ঘেৰিটা আছুৰ; আৰক্ষীৰে হতাহতি প্ৰতিবাদকাৰীৰ

a track

কৃষকৰ ট্ৰেক্টৰ ৰেলীত অনুমতি দিল্লী আৰক্ষীৰ,৩০৮ টা টুইটাৰ একাউণ্টেৰে ৰেলী বিঘ্নিত কৰাৰ চেষ্টা পাকিস্তানৰ

a family_600c1789a132e

এজন লোকৰ ২৭ গৰাকী ঘৈণী, সন্তানৰ সংখ্যা ১৫০! ক’ত?

FB_IMG_1611484341539

“সহায়-The Helping Hand” নামৰ স্বেচ্ছাসেৱী সংগঠনৰ উদ্যোগত  ভোগালী উৎসৱস্থলীত চাফাই অভিযান

নৰ্থ-ইষ্ট নাও এটা মাল্টি-এপ ভিত্তিক সম্পূৰ্ণভাৱে আঞ্চলিক, দ্বিভাষিক নিউজ প’ৰ্টেল। পেচাদাৰী ব্যক্তিৰ এটা গোটৰ নেতৃত্বত এই ডিজিটেল বাতৰি প্ৰতিষ্ঠানটোৱে উত্তৰ-পূবৰ আঠখন ৰাজ্য আৰু এইবোৰৰ প্ৰতিৱেশী দেশকেইখনৰ প্ৰতিটো খা-খবৰ সামৰি লোৱাৰ চেষ্টা কৰিব। দুটাকৈ ইংৰাজী এপ আৰু এটা অসমীয়া এপৰ সংস্কৰণ থকা এইটোৱে হ’ল এই ধৰণৰ প্ৰথমটো নিউজ প’ৰ্টেল। আমি ৰাজনৈতিকভাৱে নিৰপেক্ষ আৰু দক্ষিণ-পূব আৰু দক্ষিণ এছিয়াৰ মাজৰ প্ৰকৃত বা-বাতৰিৰ সাঁকোৰ ভূমিকা ল’বলৈ চেষ্টা কৰিম।

 
Our Properties
 
  • ⚪ NORTHEAST NOW
  • ⚪ NORTHEAST JOBS
  • ⚪ NORTHEAST TENDERS
  • ⚪ INNFINITY
  • About
  • Copyright
  • Privacy Policy
  • Authors
  • Contact

© 2018 - Maintained by EZEN Software & Technology Pvt. Ltd

No Result
View All Result
  • মুখ্যপৃষ্ঠা
  • অসম
  • নৰ্থ-ইষ্ট
    • অৰুণাচল
    • অসম
    • ছিকিম
    • ত্ৰিপুৰা
    • নাগালেণ্ড
    • মণিপুৰ
    • মিজোৰাম
    • মেঘালয়
  • প্ৰতিৱেশী
  • অভিমত
  • ক্ৰীড়া
  • বাণিজ্য
  • সংস্কৃতি
  • সাহিত্য
  • অটো
  • জলিউদ
  • জীৱনশৈলী
  • প্ৰযুক্তি
  • মনোৰঞ্জন

© 2018 - Maintained by EZEN Software & Technology Pvt. Ltd