ড্ৰাগছ তথা নিচাযুক্ত সামগ্ৰীৰ বিৰুদ্ধে চলোৱা প্ৰচেষ্টাৰ অংশ হিচাপে শনিবাৰে নলবাৰী আৰক্ষীয়ে এখন গাঁৱৰ পৰা এজন যুৱকক গ্ৰেপ্তাৰ কৰাৰ লগতে ৩৮ টা সন্দেহযুক্ত ব্ৰাউন ছুগাৰৰ কনটেইনাৰ জব্দ কৰে।
গ্ৰেপ্তাৰ কৰা যুৱকজনক কংকন তালুকদাৰ বুলি চিনাক্ত কৰা হৈছে।
নলবাৰীৰ জিলাৰ বেলশৰ অঞ্চলৰ কায়স্থপাৰাৰ ৰূপিয়াবাথান গাঁৱৰ পৰা যুৱকজনক গ্ৰেপ্তাৰ কৰা হয়।
যুৱকৰ গ্ৰেপ্তাৰ আৰু জব্দ কৰা ড্ৰাগছৰ ঘটনা সন্দৰ্ভত শনিবাৰে নলবাৰী আৰক্ষীয়ে তেওঁলোকৰ টুইটাৰত লিখিছে:
‘’ড্ৰাগছ আৰু নিচাযুক্ত সামগ্ৰীৰ বিৰুদ্ধে আমাৰ ধাৰাবাহিক তালাচীত কংকন তালুকদাৰ নামৰ এজন যুৱকক বেলশৰ,কায়স্থপাৰাৰ ৰূপিয়াবাথান গাঁৱৰ পৰা ৩৮টা সন্দেহযুক্ত ব্ৰাউন ছুগাৰৰ কনটেইনাৰৰ সৈতে নলবাৰী আৰক্ষীয়ে আৰক্ষীয়ে গ্ৰেপ্তাৰ কৰে।‘’
In our continuous raids against drugs and narcotics substances, one kangkan Talukdar of village Rupiabathan, kayasthasupa, Belsor has been apprehended by Nalbari Police with 38 containers of suspected brown sugar. @assampolice pic.twitter.com/Prc2WLJTzP
— Nalbari Police (@nalbari_police) September 21, 2019
ইয়াৰ পূৰ্বে যোৱা ২৪ আগষ্টত চিৰাং আৰক্ষীয়ে ঢালিগাঁও অঞ্চলত অভিযান চলাই এজন ড্ৰাগছ সৰবৰাহকাৰীক গ্ৰেপ্তাৰ কৰাৰ লগতে ২৭ গ্ৰাম ব্ৰাউন ছুগাৰ জব্দ কৰিছিল।
আৰক্ষীয়ে গ্ৰেপ্তাৰ কৰা ড্ৰাগছ সৰবৰাহকাৰীজনক শ্বাহ দিল মহম্মদ খান বুলি চিনাক্ত কৰা হৈছিল।
ব্ৰাউন ছুগাৰৰ লগতে চিৰাং আৰক্ষীয়ে ড্ৰাগছ সৰবৰাহকাৰীজনে ব্যৱহাৰ কৰা গাড়িখনৰ পৰা ক্ৰেডিট কাৰ্ড, বিভিন্ন বেংকৰ চেক বুক আৰু কিছুমান নথিপত্ৰ জব্দ কৰিছিল।
উল্লেখযোগ্য যে যোৱা ২৫ আগষ্টতো ডিব্ৰুগড় আৰক্ষীয়ে চহৰখনৰ কালিবাৰী অঞ্চলৰ পৰা ১.১৪ কিলোগ্ৰাম সন্দেহযুক্ত ব্ৰাউন ছুগাৰৰ লগতে নগদ ১৯.৫৫ লাখ টকা জব্দ কৰিছিল।