আমেৰিকাৰ মহাকাশ গৱেষণা সংস্থা নাছাৰ শেহতীয়া এক গৱেষণাত পোহৰলৈ আহিছে এক আশংকাৰ খৱৰ।
চন্দ্ৰৰ অৱস্থানৰ ফলত সাগৰৰ জলস্তৰ হঠাৎ বহুখিনি বৃদ্ধি পাব পাৰে। লগতে জলবায়ু পৰিৱৰ্তনৰ প্ৰভাৱে ২০৩০ৰ ভিতৰত পৃথিৱী জুৰি অভিলেখ সংখ্যক বানপানী হ’ব পাৰে বুলি ধাৰণা কৰিছে নাছাই।
নাছাৰ নেচাৰ ক্লাইমেট চেঞ্জ জাৰ্ণালত যোৱা ২১ জুনত নাছাৰ এই প্ৰতিবেদন প্ৰকাশ পাইছে।
এনে বিধ্বংসী বান বৰ্তমান প্ৰধানকৈ উপকূলীয় অঞ্চলত দেখা যায় যদিও এইক্ষেত্ৰত সাধাৰণতে জোৱাৰৰ সময়ত জলস্তৰ আন সময়তকৈ ২ফুটতকৈ অধিক বৃদ্ধি পায়।
নাছাৰ গৱেষণা মতে অহা ২০৩০ৰ দশকতেই এই বিধ্বংসী বান ভয়ংকৰভাৱে বৃদ্ধি পাব। আমেৰিকাৰ অধিকাংশ উপকূলীয় অঞ্চলত জোৱাৰৰ সময়ত জলস্তৰ তিনি-চাৰি গুণ বৃদ্ধি পাব।
গৱেষকসকলৰ মতে গোটেই বছৰ জুৰি এনকুৱা হ’ব বুলি কথা নাই, কিন্তু বছৰটোৰ কেইবামাহৰ ভিতৰত সঘনাই এনেকুৱা হ’ব পাৰে।
গৱেষকৰ দাবী যে চন্দ্ৰৰ মহাকৰ্ষীয় শক্তি, সাগৰৰ জলস্তৰ আৰু জলবায়ু পৰিৱৰ্তনৰ প্ৰভাৱত বিশ্বজুৰি সময়ৰ লগে লগে এইদৰে বানৰ প্ৰকোপ বৃদ্ধি পাব।
পৃথিৱীত চন্দ্ৰৰ প্ৰভাৱ ব্যাখা কৰিবলৈ গৈ এই গৱেষণাৰ প্ৰধান বিজ্ঞানী ফিল থম্পছনে কয়,’’চন্দ্ৰৰ ওৱাবলৰ প্ৰভাৱত জলস্তৰ বৃদ্ধি পাব। কিন্তু জলবায়ু পৰিৱৰ্তনৰ বাবে ইয়াৰ প্ৰভাৱ আৰু মাৰাত্মক হৈ পৰিব পাৰে।