দেশৰ বিভিন্ন প্ৰান্তৰ লগতে আজি মাৰ্ঘেৰিটাটো তিনিচুকীয়া জিলা সাংবাদিক সন্থাৰ উদ্যোগত আৰু মাৰ্ঘেৰিটা সাংবাদিক সংস্থাৰ সৌজন্যত, দিনজোৰা কাৰ্যসূচীৰে মাৰ্ঘেৰিটা উন্নয়ন খণ্ডৰ সভাকক্ষত ৰাষ্ট্ৰীয় প্ৰেছ দিৱস উদযাপন কৰা হ’য়।
ৰাষ্ট্ৰীয় প্ৰেছ দিৱস উপলক্ষে পুৱা তিনিচুকীয়া জিলা সাংবাদিক সন্থা আৰু মাৰ্ঘেৰিটা সাংবাদিক সংস্থাৰ পতাকা উত্তোলন কৰে ঋষি দাস আৰু ৰামপ্ৰসাদ আম্বেদকাৰে। ইয়াৰে পাছতেই ৰাজ্যখনৰ ৩২ গৰাকী চহিদ সাংবাদিকৰ শ্ৰদ্ধাঞ্জালী স্মৃতি তৰ্পন কৰে জিলা সাংবাদিক সন্থাৰ উপ সভাপতি পৰাগ ভূঞাই।
আলোচনা চক্ৰৰ আৰম্ভণিতে শিবাণী ফুকনৰ পাৰিচালনাত তেওঁৰ সহযোগীবৃন্দই এটি সমবেত সংগীত পৰিৱেশন কৰে। তাৰ পাছতে জিলা সভাপতি ঋষি দাসৰ সঞ্চালনাত মাজেঠিয়া দৰমহা আয়োগ শীৰ্ষক বিষয়ৰ ওপৰত এখন আলোচনা সভা অনুষ্ঠিত হয়।
নৱ নিষুক্ত মাৰ্ঘেৰিটা মহকুমাধিপতি দিবাকৰ নাথে উদ্বোধন কৰা আলোচনা চক্ৰখনত অসম বাৰ্তাজীৱী সংঘৰ সভাপতি কেশৱ কলিতাই মুখ্য অতিথি ৰূপে অংশগ্ৰহণ কৰি ৰাষ্ট্ৰীয় প্ৰেছ দিৱসৰ তাৎপৰ্য আৰু আলোচ্য বিষয়ৰ ওপৰত আলোকপাত কৰে৷
তিনিচুকীয়া জিলা সাংবাদিক সন্থাৰ সাধাৰণ সম্পাদক ৰাণাজ্যোতি নেওগে আঁত ধৰা আজিৰ এই সভাত সংবাদক্ষেত্ৰলৈ সুদীৰ্ঘ বছৰে আগবঢ়াই অহা সেৱাৰ স্বীকৃতি স্বৰূপে জ্যেষ্ঠ সাংবাদিক জগত চাংমাই আৰু গকুল শৰ্মাক সম্বৰ্ধনা জনোৱা হয়৷
