ৰাষ্ট্ৰীয় শিক্ষা গৱেষণা আৰু প্ৰশিক্ষণ পৰিষদৰ চতুৰ্থ শ্ৰেণীৰ গণিতৰ পাঠ্যপুথিত ভুল তথ্য প্ৰদান কৰা বাবে তীব্ৰ সমালোচনাৰ সন্মুখীন হৈছে। সৰ্বজনবিদিত যে ভাৰতীয় গঁড়ৰ মাত্ৰ এটা শিং থাকে তেনে পৰিপ্ৰেক্ষিতত “আমাৰ চৌপাশৰ ১০০০ দশক” অধ্যায়ত ভাৰতীয় গড়ৰ দুটা শিঙৰ বুলি প্ৰকাশ কৰাৰ লগতে পাঠ্যপুথিখনত গঁড়ৰ শিঙৰ ঔষধি মূল্য আছে বুলিও দাবী কৰা হৈছে, যিটো বিশেষজ্ঞসকলে মিছা বুলি উল্লেখ কৰিছে আৰু ই চোৰাং চিকাৰক উৎসাহিত কৰিব পাৰে। তেনেস্থলত অসমৰ সংৰক্ষণবিদ, শিক্ষাবিদ তথা সচেতন ৰাইজক বিচলিত কৰি তুলিছে।
এই ভুলৰ বাবে ছ’চিয়েল মিডিয়াত ক্ষোভৰ সৃষ্টি হৈছে, এনচিইআৰটিৰ পাঠ্যপুথিৰ বাবে ইয়াক গ্ৰহণযোগ্য নহয় বুলি অভিহিত কৰিছে। অসমৰ বন্যপ্ৰাণী বিশেষজ্ঞ বিভব কুমাৰ তালুকদাৰে এই ভুল তথ্য চিন্তনীয় আৰু যুৱ ছাত্ৰ-ছাত্ৰীক বিপথে পৰিচালিত কৰিব পাৰে বুলি মন্তব্য কৰে। বানপানীয়ে গঁড়ৰ ক্ষতি কৰে বুলিও পাঠ্যপুথিখনত উল্লেখ কৰা হৈছে যদিও বিশেষজ্ঞসকলে স্পষ্ট কৰি দিছে যে বানপানী অসমৰ বানপানীৰ পৰিৱেশ তন্ত্ৰৰ এক স্বাভাৱিক অংগ।
অসমৰ শিক্ষামন্ত্ৰী ৰনোজ পেগুৱে ৰাজ্যিক শিক্ষা গৱেষণা আৰু প্ৰশিক্ষণ পৰিষদক তদন্ত কৰি বিষয়টো শুধৰণিৰ বাবে এনচিইআৰটিক প্ৰতিবেদন দিবলৈ কৈছে। এনচিইআৰটিৰ এনেধৰণৰ ভুলৰ বাবে সমগ্ৰ ভাৰতবৰ্ষৰ লাখ লাখ ছাত্ৰ-ছাত্ৰীয়ে ব্যৱহাৰ কৰা পাঠ্যপুথিৰ সঠিকতাক লৈ উদ্বেগ প্ৰকাশ কৰিছে। সমালোচকসকলে যুক্তি আগবঢ়াইছে যে এনে ভুলে শিশুক বিভ্ৰান্ত কৰি বন্যপ্ৰাণী সংৰক্ষণৰ বিষয়ে ভুল ধাৰণা বিয়পাব পাৰে।
