Jharkhand Assembly Election Result: প্ৰাথমিক গণনাত ঝাৰখণ্ডত কঠিন যুঁজৰ ইংগিত, আগবাঢ়িছে কোন?

আজি ফলাফল প্ৰকাশ পাব ঝাৰখণ্ড বিধানসভা নিৰ্বাচনৰ ফলাফল। ইয়াৰ পূৰ্বে  ৰাজ্যখনত দুটা ৰাউণ্ডৰ ভোটগ্ৰহণ অনুষ্ঠিত হৈছিল। বাংলাদেশৰ অনুপ্ৰৱেশকে ধৰি দুৰ্নীতি এই নিৰ্বাচনত ঝাৰখণ্ডত এটা ডাঙৰ বিষয় আছিল। ইফালে ভোটদানৰ পিছৰ সমীক্ষাত ইংগিত পোৱা গৈছে যে হেমন্ত ছ’ৰেনে ঝাৰখণ্ডত সংকটৰ সন্মুখীন হ’ব পাৰে। কিন্তু এগজিট পোল শেষত শুদ্ধ বুলি প্ৰমাণিত হয় নে বা নহয়, আজি তালৈ সকলোৰে চকু থাকিব।

লগতে পঢ়কঃ ‘দ্বিতীয় ঘৰ’ হিচাপে গণ্য কৰা ঝাৰখণ্ডত অসাৰ হিমন্ত বিশ্বৰ প্ৰচাৰ! চৰকাৰ গঠনৰ দিশে বিৰোধী ঐক্যমঞ্চ

ঝাৰখণ্ডত মেজিক ফিগাৰ স্পৰ্শৰ দিশত বিজেপি আৰু জেএমম-কংগ্ৰেছ জোঁটৰ মাজত তীব্ৰ যুঁজ চলিছে। এতিয়ালৈকে ৩৯খন আসনত আগবাঢ়ি আছে গেৰুৱা শিবিৰ। আৰু জেএমএম-কংগ্ৰেছৰ মিত্ৰতাই ৩৬খন আসনত আগবাঢ়িল।

কিন্তু মনত ৰখা ভাল যে এইটো এটা অতি প্ৰাৰম্ভিক ধাৰা। এই ফলাফল সম্পূৰ্ণৰূপে ওলোটা হ’ব পাৰে। কাৰণ পোষ্টেল বেলটৰ গণনা এতিয়াও চলি আছে।