মহাযুটি নে মহা বিকাশ আঘাড়ী – মহাৰাষ্ট্ৰত কোন ‘মহা’ মিত্ৰজোঁটে জিকিব? কেইঘণ্টামানৰ ভিতৰতে সেই উত্তৰ উপলব্ধ হ’ব। এতিয়া মহাৰাষ্ট্ৰত ভোটগণনা চলি আছে। ৰাজ্যত মুঠ বিধানসভাৰ আসনৰ সংখ্যা ২৮৮খন। আৰু মেজিক নম্বৰটো হৈছে ১৪৫। মহাৰাষ্ট্ৰ বিধানসভাৰ নিৰ্বাচন গণনাৰ আপডেট চাওক।
ভোটগণনা আৰম্ভ হোৱাৰ লগে লগে কোলাবা বিধানসভাৰ বিজেপিৰ প্ৰাৰ্থী তথা মহাৰাষ্ট্ৰ বিধানসভাৰ অধ্যক্ষ ৰাহুল নৰ্ৱেকাৰে কয়, ‘’মোৰ মতে ১৭৫খন আসনত মহায়ুটি মিত্ৰজোঁটে জয়লাভ কৰিব।‘’ একেবাৰে প্ৰাৰম্ভিক ট্ৰেণ্ডত মহাযুটিয়ে ৫৫খন আসনত আগবাঢ়ি আছে।
এতিয়া ৰাতিপুৱা ৮:৫৫ বাজিছে। প্ৰাথমিক ধাৰাত বিজেপি মিত্ৰজোঁটৰ অগ্ৰগতি বৃদ্ধি পাইছে। বৰ্তমান ৫৫খন আসনত আগবাঢ়ি আছে। ৭খন আসনত আগবাঢ়ি কংগ্ৰেছ মিত্ৰজোট। আৰু আন কিছুমানে তিনিখন আসনত আগবাঢ়ি আছে। কিন্তু মনত ৰখা ভাল যে এইটো এটা অতি প্ৰাৰম্ভিক ধাৰা। এই ফলাফল সম্পূৰ্ণৰূপে ওলোটা হ’ব পাৰে। কাৰণ পোষ্টেল বেলটৰ গণনা এতিয়াও চলি আছে।
