চিৰাঙৰ ভাৰত-ভূটান সীমান্তত এলেকাত সেনা – আৰক্ষী আৰু এনডিএফবি ৰ মাজত তুমুল সংঘৰ্ষ । এজন এনডিএফবি (এছ) ৰ সদস্য নিহত ।
চিৰাং জিলাৰ ভাৰত-ভূটান সীমান্তত আজি দুপৰীয়া সেনা-আৰক্ষীৰ সৈতে হোৱা সংঘৰ্ষত নিষিদ্ধ ঘোষিত সশস্ত্ৰ সংগঠন NDFB(S)ৰ এজন সদস্য নিহত হয়।
জিলাখনৰ ৰুণীখাতা থানাৰ অন্তৰ্গত দৈমালুপাৰাত সেনা-আৰক্ষীৰ দল আৰু সংগঠনটোৰ এটা দলৰ মাজত প্ৰচণ্ড গুলীয়াগুলী হয়।
নিহত এন ডি এফ বিৰ সদস্যজন ৰাণীখাতা আৰক্ষী থানাৰ অধীনৰ ছেৰেখাগুৰি গাঁৱৰ বলিৰাম বসুমতাৰীৰ পুত্ৰ ছামছুলা বসুমতাৰী বুলি চিনাক্ত কৰা হৈছে।
আৰক্ষীৰ সূত্ৰটোৱে কয়, নিহত সদস্যজনৰ পৰা সেনা-আৰক্ষীৰ দলটোৱে দুটা ৭.৬৫ এম এম পিষ্টল, দুটা হেণ্ড গ্ৰেনেড, ডিটেনেটৰ দুটা, ৭.৬৫ এম এমৰ ১৫জাঁই সক্ৰিয় গুলী, দুটা মেগজিন, খালী কাৰ্টিজ, নগদ ৪৮,৫০০ টকা, এন ডি এফ বি(এছ)ৰ ধনদাবী পত্ৰ , মোবাইল ফোন, ভূটানৰ ছিমকাৰ্ড আদি বহুকেইপদ সামগ্ৰী উদ্ধাৰ কৰা হয়।