দেশৰ সাম্প্ৰতিক অৰ্থনৈতিক অৱস্থা মুঠেও ভাল নহয়। অৰ্থনৈতিক সংকটৰ মুখামুখী হ’ব নোৱাৰি বহু শ্ৰমিকে আত্মহত্যাৰ দৰে পছ বাছি হ’বলগীয়া হৈছে। কিন্তি এনে নিৰাশাৰ মাজতে কিছু আশা দেখিছে প্ৰধানমন্ত্ৰীৰ অৰ্থনৈতিক পৰামৰ্শদাতা পৰিষদৰ অধ্যক্ষ বিবেক দেৱৰয়ে।
তেওঁৰ মতে এতিয়াৰ অৱস্থা যিয়েই নহাওঁক কিয়, ২০৪৭ চনৰ ভিতৰত ভাৰত উচ্চ আয়ৰ দেশত পৰিণত হ’ব।প্ৰধানমন্ত্ৰীৰ অৰ্থনৈতিক পৰামৰ্শদাতা পৰিষদৰ অধ্যক্ষ বিবেক দেৱৰয়ে শেহতীতীয়াকৈ এই সম্ভাৱনাৰ কথা ব্যক্ত কৰে। তেওঁ কয় যে অহা ২৫ বছৰত গড় বাৰ্ষিক বৃদ্ধি ৭-৭.৫ শতাংশ হ’লে ২০৪৭ চনৰ ভিতৰত ভাৰতীয় অৰ্থনীতিৰ আকাৰ ২০ হাজাৰ বিলিয়ন ডলাৰ (২০ ট্ৰিলিয়ন ডলাৰ) পৰ্যন্ত হ’ব।
প্ৰধানমন্ত্ৰীৰ অৰ্থনৈতিক পৰামৰ্শদাতা পৰিষদৰ অধ্যক্ষ বিবেক দেৱৰয়ে ‘ড্ৰাফট কম্পিটিটিভনেছ ১০০ ফৰ ইণ্ডিয়া’ শীৰ্ষক অৰ্থনৈতিক খচৰা মুকলি কৰি কয় যে, যদিহে আগন্তুক ২৫ বছৰত দেশখন গড়ে ৭-৭.৫ শতাংশ অৰ্থনৈতিক বিকাশৰ হাৰত আগবাঢ়ে তেন্তে দেশৰ জনমূৰি বাৰ্ষিক আয় ১০ হাজাৰ মাৰ্কিন ডলাৰৰ অধিক হ’ব । তেওঁ কয় যে, ২০৪৭ চনৰ ভিতৰত ভাৰত উচ্চ মানৱ উন্নয়ন শ্ৰেণীৰ দেশসমূহত ভিতৰত অন্তৰ্ভুক্ত হ’ব ।তেওঁ লগতে কয় যে, বৰ্তমান সময়ত ভাৰত হৈছে বিশ্বৰ ষষ্ঠ বৃহত্তম অৰ্থনীতি যাৰ মুঠ ঘৰুৱা উৎপাদন ২,৭০০ বিলিয়ন মাৰ্কিন ডলাৰ । বৰ্তমান দেশখন উন্নয়নশীল দেশৰ শ্ৰেণীত অন্তৰ্ভূক্ত কৰা হৈছে ।
২০৪৭ চনৰ ভিতৰত ভাৰতক এখন উন্নয়নশীল দেশ হিচাপে গঢ়ি তোলাৰ এক অভিলাষী লক্ষ্য নিৰ্ধাৰণ কৰিছে প্ৰধানমন্ত্ৰী নৰেন্দ্ৰ মোদীয়ে ।ইণ্ডিয়া ১০০ৰ বাবে প্ৰতিযোগিতামূলক ৰোডমেপ অধ্যাপক মাইকেল ই. পোৰ্টাৰৰ বিকশিত আৰ্হিৰ ওপৰত আধাৰিত। ইণ্ডিয়া ১০০ হৈছে আমাৰ দেশৰ শতবৰ্ষৰ দিশত যাত্ৰাৰ এক ৰোডমেপ। ইয়াত ভাৰতৰ অৰ্থনীতিকে ধৰি অন্যান্য দিশৰ বিশাল সম্ভাৱনা আৰু বিশাল উচ্চাকাংক্ষাবোৰ উপলব্ধি কৰাৰ বাবে প্ৰয়োজনীয় পদক্ষেপসমূহ চিনাক্ত কৰা হৈছে।