বিয়া হৈছিল অক্টোৱৰ মাহত আৰু বিয়াৰ দুমাহ পিছতেই বলীউডৰ জনপ্ৰিয় গায়িকা নেহা কক্কৰৰ দেহত সকলোৱে জনাকৈ ফুটি উঠিছিল গৰ্ভৱতী হোৱাৰ চিন।
নেহাৰ বেবী বাম্পৰ ছবিয়ে ইণ্টাৰনেটৰ জগতত বেছ খলকনি তুলিছিল।
সকলোৱে কোৱা-কুই কৰিছিল বিয়াৰ পিছতে ইমান চকুত পৰাকৈ নেহাৰ শাৰীৰিক পৰিৱৰ্তন হ’ল কিদৰে?নেটিজেনৰ এই সকলো প্ৰশ্নৰ উত্তৰ আজি দিলে গায়িকা নেহা কক্কৰে নিজেই।
কি পৰিস্থিতিত বিয়াৰ দুমাহ পিছতেই নেহা গৰ্ভৱতী হ’ল তাৰ উত্তৰ দান কৰি নেহাই ইনষ্টাগ্ৰামত এটা কথাই কৈছে —‘খেয়াল ৰাখিয়া কৰ’।
দৰাচলতে নেহাৰ গৰ্ভাৱস্থাৰ যিখন ছবি প্ৰকাশ পাইছে সেয়া প্ৰকৃত গৰ্ভাৱস্থাৰ ছবি নহয়।
View this post on Instagram
এই প্ৰসংগত নেহাই কৈছে যে তেওঁ আৰু তেওঁৰ স্বামী ৰোহণপ্ৰীত সিঙে নিৰ্মাণ কৰি থকা ‘খেয়াল ৰাখিয়া কৰ’ নামৰ ভিডিঅ’ এলবামটোৰ বাবে তোলা ছবিহে আছিল সেই খন।
নেহাৰ এই স্পষ্টীকৰণৰ পিছতে বহুতৰে মনত উদ্ৰেক হোৱা সন্দেহৰ নিৰসন হ’ল।
উল্লেখ্য ইয়াৰ পূৰ্বেও নেহাই কেৱল প্ৰচাৰৰ স্বাৰ্থতে আদিত্য নাৰায়ণৰ সৈতে বিয়াৰ নাটক ৰচিছিল। সেইবাৰো বহুতে আদিত্য নাৰায়ণৰ সৈতে নেহাৰ বিয়া হোৱা বুলিয়েই ভাবিছিল।