NESO Against CAA নাগৰিকত্ব সংশোধনী বিধেয়ক (কা)ৰ বিৰুদ্ধে শনিবাৰ ১১ডিচেম্বৰৰ দিনটো নৰ্থ ইষ্ট ষ্টুডেন্টছ অ’ৰ্গেনাইজেশ্যন (নেছ’)য়ে সমগ্ৰ উত্তৰ-পূৰ্বাঞ্চলজুৰি ক’লা দিৱস হিচাপে পালন কৰিব।
‘’ভাৰত চৰকাৰে যোৱা ২০১৯ৰ ১১ডিচেম্বৰত এই আইনখন গৃহীত কৰিছিল। উত্তৰ পূৰ্বাঞ্চলৰ জনসাধাৰণ যে এই আইনখনৰ বিৰুদ্ধে আছে সেই বাৰ্তা ভাৰত চৰকাৰক দিবলৈ এই দিৱস পালন কৰা হ’ব,’’-নেছ’ৰ সভাপতি ছেমুৱেল জাৰৱাই শুকুৰবাৰে এইদৰে কয়।
নেছ’ই উত্তৰ-পূৰ্বাঞ্চলৰ জনসাধাৰণক ১১ডিচেম্বৰৰ এই ক’লা দিৱসলৈ সমৰ্থন আগবঢ়াবলৈ আৰু ‘এই উদ্দেশ্য’ৰে যুঁজ অব্যাহত ৰাখিবলৈ আহ্বান জনাইছে।
Also Read: Encounter: বিশ্বনাথত পুৱতি নিশা আৰক্ষীৰ গুলীত গুৰুতৰভাবে আহত দুৰ্ধৰ্ষ ডকাইত ভুত্তু
নেছ’ৰ সভাপতিগৰাকীয়ে কয় যে ছাত্ৰ সংগঠনৰ প্ৰতিনিধিসকলে সাতোখন ৰাজ্যৰ গুৰুত্বপূৰ্ণ স্থানসমূহত ক’লা পতাকা তথা বেনাৰ প্ৰদৰ্শন কৰিব।
নেছ’ত অন্তৰ্বুক্ত ছাত্ৰ সংগঠনকেইটা হৈছে, সদৌ অসম ছাত্ৰ সন্থা (আছু), খাচী ছাত্ৰ সন্থা (কেএছইউ), মিজো জিৰলাই পাউল (এম জেদ পি), গাৰো ষ্টুডেন্টছ ইউনিয়ন (জি এছ ইউ), নগা ষ্টুডেন্টছ ফেডাৰেশ্যন (এন এছ এফ), টিপ্ৰা ষ্টুডেন্টছ ফেডাৰেশ্যন (টিএছএফ), অল মনিপুৰ ষ্টুডেন্টছ ইউনিয়ন(এএমএছইউ) আৰু অল অৰুণাচল প্ৰদেশ ষ্টুডেন্টছ ইউনিয়ন (এএপিএছইউ)।
Also Read:কলিয়াবৰত নিশা ৰে’লৰ খুন্দাত খাদ্যৰ সন্ধানত অহা এটি মাইকী হাতীৰ কৰুণ মৃত্যু
শেহতীয়া সময়ছোৱাত এই আইন বাতিলৰ দাবীত উত্তৰ-পূৰ্বাঞ্চলত ছাত্ৰ সংগঠনসমূহৰ কা-বিৰোধী প্ৰতিবাদে বিশেষ গুৰুত্ব লাভ কৰি আহিছে।
