কি হ’ল কিং খানৰ? বিদেশৰ মাটিত বৃদ্ধক ঠেলা মাৰিলে শ্বাহৰুখে! ভাইৰেল ভিডিঅ’ক লৈ চাঞ্চল্য
চিনেমালৈ আগবঢ়োৱা অৱদানৰ বাবে বিদেশত সন্মানিত কৰা হৈছে শ্বাহৰুখ খানক। চুইজাৰলেণ্ডৰ লোকাৰ্নো চলচ্চিত্ৰ মহোৎসৱত পাৰ্ডো আলা কেৰিয়াই আস্কোনা-লোকাৰ্নো টুৰিজিম বঁটা গ্ৰহণ কৰে। কিন্তু চৰ্চা হৈছে ৰেড কাৰ্পেটৰ ভাইৰেল ভিডিঅ’ক কেন্দ্ৰ কৰি। অভিযোগ অনুসৰি কিং খানে ফটো উঠি থকাৰ সময়তে এজন বৃদ্ধক ঠেলা মাৰি দিছিল।
শ্বাহৰুখ ক’লা চুট পিন্ধি ৭৭ সংখ্যক লোকাৰ্ণো চলচ্চিত্ৰ মহোৎসৱলৈ গৈছিল। ৰেড কাৰ্পেটত তেওঁক দেখা পোৱাৰ লগে লগে ফটোগ্ৰাফাৰৰ দল লৰালৰিকৈ আহি ভিৰ কৰে। ছ’চিয়েল মিডিয়াত ভাইৰেল হোৱা ভিডিঅ’টোত এজন বৃদ্ধ লোক কিং খানৰ ছবিৰ ফ্ৰেমত প্ৰৱেশ কৰা দেখা গৈছে। কথাটো গম পাইয়েই শ্বাহৰুখ তেওঁৰ ফালে আগবাঢ়ি গ’ল। দুয়োহাতেৰে তেওঁক পিছলৈ ঠেলি দিলে।
লগতে পঢ়কঃ ‘দেশলৈ উভতিম, আমেৰিকাৰ ষড়যন্ত্ৰতে বাংলাদেশত অশান্তি’; মৌনতা ভংগ শ্বেখ হাছিনাৰ
ভিডিঅ’টোৰ সত্যতা পৰীক্ষা কৰিব পৰা হোৱা নাই যদিও ছচিয়েল মিডিয়াত সেইটো বনজুইৰ দৰে বিয়পি পৰিছে। আৰু ইয়াৰ মিশ্ৰিত প্ৰতিক্ৰিয়াও হৈছে।
ভিডিঅ’টো শ্বেয়াৰ কৰি কেপচন দিয়া হৈছে, “এই কাৰণেই ভাৰতীয় দৰ্শকে শ্বাহৰুখ খানক অপছন্দ কৰে। লাজ পোৱা উচিত!” অৱশ্যে শ্বাহৰুখৰ অনুৰাগীসকলে দাবী কৰে যে কিং খানে কেৱল ধেমালিৰ চলেৰে এই কাম কৰিছিল। আৰু সেই বৃদ্ধ লোকজনক তেওঁ আগৰ পৰাই চিনি পায়। লগতে লোকাৰ্ণো চলচ্চিত্ৰ মহোৎসৱৰ বিশেষ সন্মানৰ বাবে কিং খানক অভিনন্দন জনায়।
. #ShahRukhKhan he pushed that old man!!! Shame on you @iamsrk pic.twitter.com/eA1g3G66xb
— Azzmin✨ SIKANDAR🗿 (@being_azmin) August 10, 2024
শেহতীয়াকৈ পেৰিছৰ গ্ৰেভিন মিউজিয়ামে শ্বাহৰুখ খানক বিশেষ সন্মান প্ৰদান কৰে। শ্বাহৰুখৰ স্বৰ্ণমুদ্ৰা তাত থকা সংগ্ৰহালয়ত ৰখা হৈছে। পেৰিছৰ এই সংগ্ৰহালয়ত প্ৰথমবাৰৰ বাবে অভিনেতাৰ নামত এনে স্বৰ্ণমুদ্ৰা প্ৰস্তুত কৰা হৈছে।