যৌন সম্ভোগৰ পিছত সংগীৰ কাষৰ পৰা আঁতৰি আহে নেকি আপুনি? অৰ্গাজম হোৱাৰ পিছত সংগীক মৰম কৰিবলৈ এৰি দিয়ে নেকি? নে সংগম শেষ কৰি ঢলি পৰে টোপনিত? যদি ইয়াৰ উত্তৰ ‘হয়’ তেন্তে মাৰাত্মক ভুল কৰি আছে আপুনি। কাৰণ এইবোৰৰ বাবে জটিলতা আহিব পাৰে আপোনাৰ সম্পৰ্কলৈ। অসুখী অনুভৱ কৰিব পাৰে আপোনাৰ সংগীয়ে।
সেয়ে আজি অলপ মুকলিকৈ কথা পাতো আহক।
যৌন বিশেষজ্ঞসকলৰ মতে, যৌন সম্পৰ্কৰ শেষ হোৱাৰ পৰাহে প্ৰকৃত সম্পৰ্ক আৰম্ভ হয়। কাৰণ, সম্ভোগৰ পিছত শৰীৰ দুটাৰ প্ৰয়োজন সম্পূৰ্ণ হৈ উঠে। গতিকে সংগমৰ শেষত যদি কোনো মৰম নাথাকে, তেন্তে ই এটা ডাঙৰ সমস্যা। গতিকে সাৱধান হওক।
১) সংগমৰ পিছত লগে লগে টোপনি নাযাব। সংগীক মৰম কৰক। সাৱটি ধৰি শোৱক। সম্পৰ্কৰ অভিজ্ঞতাৰ বিষয়ে কথা পাতক। ইজনে সিজনক প্ৰশংসা কৰক।
২) যৌন সম্পৰ্কৰ পিছত একেলগে বাথৰুমলৈ যাওক। দুয়ো একেলগে গা ধোৱক। শৰীৰটোত মৰমেৰে হাত বোলাওক।
৩) আপোনাৰ যৌন সম্পৰ্কৰ সবিশেষ কেতিয়াও কোনো বন্ধুৰ লগত শ্বেয়াৰ নকৰিব। ইয়াৰ ফলত সংগীৰ সন্মান হেৰাব পাৰে। বৰঞ্চ সম্পৰ্কৰ বিষয়ে গোপনে ৰাখক।
৪) কামৰ বোজা মনত ৰাখি কেতিয়াও সংগম নকৰিব। অথবা কোনো কামত ব্যস্ত থকাৰ সময়ত যৌন সম্পৰ্ক নকৰিব। ইয়াৰ ফলত সংগীৰ মনত আন এক দ্বিধাদ্বন্দ্বৰ সৃষ্টি হ’ব পাৰে।
৫) যৌন বিশেষজ্ঞসকলে কয়, যৌন সম্পৰ্কৰ পিছত একেলগে ৰন্ধা-বঢ়া কৰিব লাগে। ৰন্ধা-বঢ়াৰ মাজতে মৰম চেনেহ কৰক। ইয়াৰ ফলত দুয়োৰে মাজত প্ৰেমৰ সম্পৰ্কৰ গাঢ়তা বৃদ্ধি পায়।
