বিজেপিত শেহতীয়াকৈ কংগ্ৰেছৰ কেইবাজনো নেতাই যোগ দিয়াক লৈ মুখ খুলিছে অসমত দলটোৰ জ্যেষ্ঠা নেতা, ডিব্ৰুগড়ৰ বিধায়ক প্ৰশান্ত ফুকনে।
“নেতা নহয়, সাধাৰণ কৰ্মী হিচাপেহে দলত থাকিব লাগিব ন-বিজেপিৰ সদস্যসকল,” বিধায়ক ফুকনে নৰ্থ ইষ্ট নাওক কয়।
আনহাতে তেওঁ লগতে কয় যে দললৈ আস্থা আৰু বিশ্বাস কোনোবা আহিলে তাত আপত্তি কৰিব লগা নাই।
“কিন্তু পদবীক লৈ যে তেওঁলোক নাহে,” ফুকনে কয়।
তেওঁ কয় যে বিজেপি দলত সদায় কামৰ দ্বাৰা নিজৰ স্থান নিৰূপণ হয়।
লগতে পঢ়ক– সঁচা কোন, মিছা কোন? : প্ৰশান্ত ফুকনৰ পদত্যাগপত্ৰ পোৱা নাই হেনো ৰাজ্যিক বিজেপিৰ সভাপতিয়ে
আনহাতে কংগ্ৰেছ নেতা গৌতম ৰয়ৰ “দুৰ্নীতি” সন্দৰ্ভতো তেওঁ মন্তব্য কৰিছে।
“পেপাৰ পত্ৰই ওলালেই নহ’ব, সেয়া আদালতত প্ৰমাণ হ’ব লাগিব। যিটো গৌতম ৰয়ৰ ক্ষেত্ৰত আজিলৈকে প্ৰমাণ হোৱা নাই,” তেওঁ কয়।
লগতে পঢ়ক– মন্ত্ৰিত্ব পোৱাত নৈতিকতাৰ ‘কথা নাই’; গুৰুত্বপূৰ্ণ পদবী ত্যাগ জ্যেষ্ঠ বিজেপি নেতা প্ৰশান্ত ফুকনৰ
বিজেপিত চলি থকা সদস্যভৰ্তি অভিযানৰ অংশৰূপেই এই নেতাসকলে যোগদান কৰা বুলি তেওঁ জনায়। “অহা ১৮ আগষ্টলৈকে বিজেপিত যোগদান কাৰ্য্যসূচী অনুষ্ঠান চলিব।”
