কৃষ্ণ গহ্বৰৰ এক নতুন তথ্য পোহৰলৈ আহিছে।
শেহতীয়াকৈ বিশাল অঞ্চলব্যাপী পৰিবেষ্টিত হৈ থকা হাতীপটিৰ নিচেই কাষতে বিজ্ঞানীসকলে আৱিষ্কাৰ কৰিবলৈ সক্ষম হৈছে এটা বৃহদাকাৰ কৃষ্ণ গহ্বৰ।
নতুনকৈ আৱিষ্কৃত কৃষ্ণ গহ্বৰটোৰ সন্ধান পোৱা গৈছে লিঅ’ আই ড্ৰাফ নক্ষত্ৰপুঞ্জত। বিজ্ঞানীসকলৰ মতে নতুনকৈ সন্ধানপোৱা কৃষ্ণ গহ্বৰটোৰ আকাৰ নক্ষত্ৰপুঞ্জটোতকৈ ১৬ শতাংশ গুণে ডাঙৰ।
কৃষ্ণ গহ্বৰটোৰ আৱষ্কিাৰৰ সৈতে জৰিত বিজ্ঞানী কাৰ্ল গেবহাৰ্ডে প্ৰকাশ কৰা মতে হাতীপটিত কেৱল মাত্ৰ একো একোটা সৰু নক্ষত্ৰপুঞ্জহে আছে যদিও ইয়াৰ কাষতে আৱিষ্কাৰ হোৱা কৃষ্ণ গহ্বৰটো ইমানেই বৃহৎ যে ই সমগ্ৰ হাতীপটিৰ আয়তনতকৈও বেছি ডাঙৰ।
টেক্সাছ বিশ্ব বিদ্যালয়ৰ মেকডনাল্ড অৱজাৰভেটৰীৰ পৰা অধ্যয়ন তথা গৱেষণা চলাই এই বিশাল আকৃতিৰ কৃষ্ণ গহ্বৰটোৰ সন্ধান পোৱা গৈছে।
বিজ্ঞানীসকলৰ এই আৱিষ্কাৰে নক্ষত্ৰপুঞ্জত ঘটি থকা অৱক্ষয় আৰু ধ্বংসৰ ছবি খন সঠিক ভাবে বুজি উঠাত সহায় কৰিব বুলি ধাৰণা কৰা হৈছে।
ইয়াৰ পূৰ্বে বিজ্ঞানীসকলৰ মনত ধাৰণা আছিল যে নক্ষত্ৰ সমূহৰ মাজত সংঘৰ্ষৰ সূত্ৰপাত ঘটাৰ ফলতে কৃষ্ণ গহ্বৰৰ সৃষ্টি হয় আৰু কৃষ্ণ গহ্বৰৰ আকাৰ নক্ষত্ৰৰ আকাৰৰ সমান হয়। কিন্তু এই নতুন আৱিষ্কাৰে বিজ্ঞানীসকলৰ পূৰ্বৰ সেই সকলো ধাৰণাত আউল লগাইছে।
উল্লেখ্য কৃষ্ণ গহ্বৰটো আৱিষ্কাৰ হোৱা লিঅ’ আই ড্ৰাফ নক্ষত্ৰপুঞ্জ পৃথিৱীৰ পৰা ৮২০,০০০ আলোকবৰ্ষ নিলগত অৱস্থিত আৰু উক্ত কৃষ্ণ গহ্বৰটো সূৰ্যৰ আকাৰতকৈও ১৫ৰ পৰা ৩০ নিযুত গুণে বেছি ডাঙৰ।