আশা কৰা হৈছিল নতুন বছৰত হয়তো ক’ৰ’ণাৰ আতংকৰ পৰা মুক্ত হ’ব পাৰিব বিশ্ববাসী। কিন্তু শেহতীয়াকৈ ব্ৰিটেইনত পুনৰ আৰম্ভ হৈছে ক’ৰ’ণাৰ নতুন সংক্ৰমণ।
দিন যোৱাৰ লগে লগে ভাইৰাছ বিধে চৰিত্ৰ সলনি ঘটাইছে।বিশ্বৰ ভিতৰতে পুনৰ প্ৰথম বাৰৰ বাবে নতুন ধৰণৰ ক’ৰ’ণা ভাইৰাছে লাখৰ ঘৰত লোকক আক্ৰান্ত কৰিছে।
এনে পৰিস্থিতিত লণ্ডনকে ধৰি ইয়াৰ কাষৰীয়া অঞ্চলত ঘোষণা কৰা হৈছে চাৰি তৰপীয়া লকডাউন।বিট্ৰেইনৰ বিৰুদ্ধে বিশ্বৰ বিভিন্ন দেশে ভ্ৰমণ নিষেধাজ্ঞা জাৰি কৰিছে ।
ভাৰতেও ব্ৰিটেইনৰ পৰা অহা সকলো বিমানৰ প্ৰৱেশ দেশ খনত নিষিদ্ধ কৰিছে।
এনে পৰিস্থিতিত ভাৰতৰ গণৰাজ্য দিৱসত মুখ্য অতিথি হিচাবে উপস্থিত থাকিবলগীয়া ব্ৰিটেইনৰ প্ৰধানমন্ত্ৰী বৰিছ জনছনে ভাৰত ভ্ৰমণকৰ কাৰ্যসূচী বাতিলো কৰিব পাৰে।
আজি এই সম্ভাৱনাৰ কথা প্ৰকাশ কৰিছে কাউন্সিল অৱ ব্ৰিটিছ মেডিকেল এছোচিয়েচনৰ মুৰব্বী চাদ নাগপালে।চাদপালে কয় যে ব্ৰিটেইনত নতুনকৈ মূৰ দাঙি উঠা ক’ৰ’ণাৰ সংক্ৰমণ নিয়ন্ত্ৰণলৈ নাহিলে জনছনে ভাৰত ভ্ৰমণ বাতিল কৰাৰ পূৰ্ণ সম্ভাৱনা আছে।
উল্লেখ্য কিছুদিনি পূৰ্বে ভাৰতৰ গণৰাজ্য দিৱসৰ কাৰ্যসূচীত ভাগ লোৱাৰ কথা নিশ্চিত কৰিছিল ব্ৰিটেইনৰ প্ৰধানমন্ত্ৰী বৰিছ জনছনে।
ব্ৰিটেইনৰ বিদেশ সচিব ডমিনিক ৰাবে এই কথা প্ৰকাশ কৰিছিল। উল্লেখ্য ভাৰতৰ কৃষক বিদ্ৰোহক সমৰ্থন জনোৱা জনছনে গণৰাজ্য দিৱসৰ কাৰ্যসূচীত উপস্থিত থাকিবনে নে নাই তাকেলৈ সন্দেহৰ সৃষ্টি হৈছিল।
ইপিনে মহামাৰীৰ মাজতেই ৰাজধানী চহৰ দিল্লীত তীব্ৰ ৰূপত চলি আছে অহা ২৬ জানুৱাৰিত হ’বলগীয়া গণৰাজ্য দিৱসৰ প্ৰস্তুতি।
