পুৰুষ মহিলাতকৈ ওখ হয়, গড়ে প্ৰায় ৫ ইঞ্চি। কিন্তু কিয়? ই কোনো জিনীয় কাৰক নহয়। এনে বহু প্ৰজাতি আছে য’ত মহিলা পুৰুষতকৈ ওখ।
যোৱা সোমবাৰে প্ৰচিডিংছ অৱ দ্য নেচনেল একাডেমী অৱ চাইন্সেছত প্ৰকাশিত এক নতুন অধ্যয়নে ইয়াৰ আংশিক ব্যাখ্যা আগবঢ়াইছে। ইয়াৰ লগত SHOX নামৰ এটা জিন জড়িত হৈ থাকে, যিটো উচ্চতাৰ লগত জড়িত বুলি জনা যায়।
X ক্ৰম’জম (মহিলাৰ দুটা X ক্ৰম’জম থাকে) আৰু Y ক্ৰম’জম (পুৰুষৰ এটা X আৰু এটা Y থাকে) দুয়োটাতে SHOX থাকে। যদি ইয়াৰ দ্বাৰা পুৰুষ আৰু মহিলাৰ উচ্চতাৰ পাৰ্থক্য বুজাব লাগে তেন্তে SHOX ৰ প্ৰতিটো ক্ৰম’জমৰ ওপৰত বেলেগ বেলেগ প্ৰভাৱ পেলাব লাগিব।
গৱেষকসকলৰ প্ৰশ্ন আছিল যে অতিৰিক্ত এক্স ক্ৰম’জমতকৈ অতিৰিক্ত ৱাই ক্ৰম’জমে মানুহৰ উচ্চতা অধিক বৃদ্ধি কৰে নেকি? বিৰল অৱস্থাত মানুহৰ জন্মতে অতিৰিক্ত এক্স বা অতিৰিক্ত ৱাই থাকে। বা এক্স বা ৱাই অনুপস্থিত থাকে। গৱেষকসকলে তিনিটা বায়’বেংকৰ পৰা তথ্য সংগ্ৰহ কৰি এই অৱস্থা থকা লোকসকলক বিচাৰি উলিয়াইছিল। এটা ব্ৰিটেইনত আৰু দুটা আমেৰিকাত।
এক মিলিয়ন লোকৰ ভিতৰত মাত্ৰ ১২২৫ জন লোকৰ এক্স বা ৱাই ক্ৰম’জম নোহোৱা বা অতিৰিক্ত হোৱা দেখা গৈছে। এনে কিছুমান অৱস্থা, যেনে এটা এক্স আৰু ৱাই নথকা লোক চাপৰ। গৱেষকসকলে দেখিলে যে এটা অতিৰিক্ত Y এ এটা অতিৰিক্ত Xতকৈ অধিক উচ্চতা প্ৰদান কৰে। এইদৰে তেওঁলোকৰ অনুমানটো সত্য প্ৰামানিত হৈছিল। SHOX জিনৰ জৈৱ ৰসায়নেই ইয়াৰ কাৰণ হ’ব পাৰে।
গৱেষকসকলে জনায় যে SHOX জিন লিংগ ক্ৰম’জমৰ শেষ প্ৰান্তত। মহিলাৰ ক্ষেত্ৰত X দুটাৰ ভিতৰত এটাৰ বেছিভাগ জিন নিৰৱ বা নিষ্ক্ৰিয় হয়। কিন্তু জিন সক্ৰিয় হোৱা এটা অঞ্চল হ’ল X ৰ একেবাৰে ওপৰৰ প্ৰান্তত। SHOX জিন X ৰ ওপৰৰ প্ৰান্তত ইমান ওচৰত যে ই সম্পূৰ্ণ নিষ্ক্ৰিয় নহয়। পুৰুষৰ ক্ষেত্ৰত SHOX সহ X ক্ৰম’জম সম্পূৰ্ণৰূপে সক্ৰিয় হয়। ৱাইৰ কথাও তেনেকুৱাই।
অৰ্থাৎ দুটা X ক্ৰম’জম থকা মহিলাৰ ক্ষেত্ৰত X SHOX জিনৰ মাত্ৰা অলপ কম হ’ব। ফলত পুৰুষৰ ক্ষেত্ৰত SHOX জিনৰ প্ৰভাৱ অলপ বেছি হয়।
