ইটালীৰ কোম্পানী পিয়াজিঅ’ই শেহতীয়াকৈ ভাৰতত Dual SXL আৰু VXL ছিৰিজৰ স্কুটাৰ মুকলি কৰিছে। এখন স্কুটাৰ ১২৫ চিচি ইঞ্জিন আৰু আনখন ১৫০ চিচি ইঞ্জিনযুক্ত। দুয়োখন স্কুটাৰতে ডুৱেল টোন কালাৰ আছে, যিটো এবাৰ দেখাৰ পিছত পাহৰি যোৱাটো অসম্ভৱ।
কেন্দ্ৰৰ নতুন BS6 Phase 2 নৰ্মছ মানি চলি এই স্কুটিখন মুকলি কৰিছে কোম্পানীটোৱে। লগতে অন্যান্য ভেস্পা স্কুটাৰতকৈ কম দামত দিয়া হৈছে। এই ডুৱেল ছিৰিজৰ স্কুটাৰৰ মূল্য ১.৩২ লাখ টকা (এক্স শ্ব’ৰুম)ৰ পৰা আৰম্ভ হয়। এই স্কুটাৰখন ৰূপত যেনেকুৱা চকুত লগা, গুণগত মানতো কম নহয়।
ভেস্পা নিউ স্কুটাৰৰ বৈশিষ্ট্য
ভেস্পা SXL ছিৰিজত ১২৪.৫ চিচি ছিংগল চিলিণ্ডাৰ এয়াৰ কুল্ড ফুৱেল ইনজেকটেড ইঞ্জিন আছে যিয়ে সৰ্বাধিক ৯.৮ ব্ৰেক হৰ্চপাৱাৰ আৰু ৯.৬ এনএম টৰ্ক উৎপন্ন কৰে। আনহাতে, VXL ছিৰিজত আছে ১৪৯.৫ চিচি ছিংগল চিলিণ্ডাৰ এয়াৰ কুল্ড ইঞ্জিন যিয়ে সৰ্বাধিক ১০.৩ ব্ৰেক হৰ্চপাৱাৰ আৰু ১০.৬ এনএম টৰ্ক উৎপন্ন কৰে, ই CVT গিয়াৰবক্সৰ সৈতে সংযুক্ত।
স্কুটাৰখনৰ ফাংকি ষ্টাইলৰ ডিজাইন আছে, ৪টা ৰঙৰ বিকল্পও আছে – পাৰ্ল হোৱাইট, পাৰ্ল হোৱাইট এণ্ড বেইজ, পাৰ্ল হোৱাইট এণ্ড মেট ৰেড আৰু পাৰ্ল হোৱাইট এণ্ড মেট ব্লেকৰ সৈতে এজুৰ’ প্ৰভেঞ্জা, সকলোবোৰ ডুৱেল টোন ভেৰিয়েন্ট। যিয়ে স্বাভাৱিকতে স্কুটাৰখন পথচাৰীৰ বাবে আকৰ্ষণীয় কৰি তুলিব।
পিয়াজিঅ’ ভেহিকেলছৰ পৰিচালন সঞ্চালক ডিয়েগো গ্ৰেফীয়ে কয় যে আজিকালি নতুন প্ৰজন্মই তেওঁলোকৰ ব্যক্তিত্বৰ লগত খাপ খোৱাকৈ অলপ বেলেগ ধৰণৰ স্কুটাৰ বিচাৰে। এই ক্ষেত্ৰত এই স্কুটাৰখন তেওঁলোকৰ ব্যক্তিত্বৰ লগত মিলিব।
ভেস্পা স্কুটাৰৰ মূল্য
Vespa VXL 125 ভেৰিয়েন্টৰ মূল্য ১.৩২ লাখ টকা (এক্স শ্ব’ৰুম)।
Vespa VXL 150 ভেৰিয়েন্টৰ মূল্য ১.৪৬ লাখ টকা (এক্স-শ্ব’ৰুম)।
Vespa SXL 125 ভেৰিয়েন্টৰ মূল্য ১.৩৭ লাখ টকা (এক্স-শ্ব’ৰুম)।
Vespa SXL 150 ভেৰিয়েন্টৰ মূল্য ১.৪৯ লাখ টকা (এক্স শ্ব’ৰুম)।
কোৱা বাহুল্য যে এই মডেলে স্কুটাৰ চলোৱা, আনকি স্কুটাৰ নচলোৱা সকলকো, Vespa VXL আৰু SXL ছিৰিজৰ স্কুটাৰ দুখনে আকৰ্ষণ কৰিব। বৰ্তমান ভাৰতত কোম্পানীটোৰ ২৫০ টা ডিলাৰশ্বিপ আছে। এই স্কুটিখন সকলোতে উপলব্ধ বুলি কোৱা হৈছে। এই স্কুটাৰসমূহে দেশত টিভিএছ এনটৰ্ক, চুজুকি এভেনিছ, হোণ্ডা এক্টিভা আৰু টিভিএছ জুপিটাৰৰ সৈতে প্ৰতিযোগিতা কৰিব।
