২০২৫ বৰ্ষৰ মহা কুম্ভ মেলাৰ সময়চোৱাত তীৰ্থযাত্ৰীসকলৰ প্ৰত্যাশিত অত্যাধিক ভিৰ নিয়ন্ত্ৰণ কৰিবলৈ উত্তৰ পূব সীমান্ত ৰে’লৱেই যোগবানী আৰু টুণ্ডলা ষ্টেচনৰ মাজত আৰু দুযোৰ বিশেষ ৰে’ল চলাবলৈ সিদ্ধান্ত গ্ৰহণ কৰিছে।
এই বিশেষ ৰেলসমূহে প্ৰতিটো দিশত এটা ট্ৰিপৰ বাবে চলাচল কৰিব। এই ৰে’ল সেৱাসমূহ মহা কুম্ভত যাবলৈ ইচ্ছুক ভক্ত আৰু দৰ্শনাৰ্থীসকলক আৰামদায়ক ভ্ৰমন সুবিধা প্ৰদান কৰিব। তদুপৰি, কাটিহাৰ আৰু মণিহাৰীৰ মাজত উভয় দিশত মাঘী পূৰ্ণিমা উপলক্ষ্যে আৰু এযোৰ দৈনিক বিশেষ ৰে’ল চলোৱা হৈ আছে। এই সেৱা ২১ ফেব্ৰুৱাৰী, ২০২৫ লৈকে অব্যাহত থাকিব।
বিশেষ ৰে’ল নং ০৫৭১৮ (যোগবানী – টুণ্ডলা) ১৪ ফেব্ৰুৱাৰী, ২০২৫ (শুক্ৰবাৰে) ১৮:৪০ বজাত যোগবানীৰ পৰা প্ৰস্থান কৰি পৰৱৰ্তী দিনা ১৯:০০ বজাত টুণ্ডলাত গৈ উপস্থিত হ’ব। উভতনি যাত্ৰাৰ দিশত, ৰে’ল নং ০৫৭১৭ (টুণ্ডলা – যোগবানী) ১৬ ফেব্ৰুৱাৰী, ২০২৫ (দেওবাৰে) ২১:৪০ বজাত টুণ্ডলাৰ পৰা প্ৰস্থান কৰি মঙলবাৰে ০২:২০ বজাত যোগবানীত গৈ উপস্থিত হ’ব।
আন এখন, বিশেষ ৰে’ল নং ০৫৭২০ (যোগবানী – টুণ্ডলা) ১৫ ফেব্ৰুৱাৰী, ২০২৫ (শনিবাৰ) ১৮:৪০ বজাত যোগবানীৰ পৰা প্ৰস্থান কৰি পৰৱৰ্তী দিনা ১৯:০০বজাত টুণ্ডলাত গৈ উপস্থিত হ’ব। উভতনি যাত্ৰাৰ দিশত, ৰে’ল নং ০৫৭১৯ (টুণ্ডলা – যোগবানী) ১৭ ফেব্ৰুৱাৰী, ২০২৫ (সোমবাৰ) ২১:৪০ বজাত টুণ্ডলাৰ পৰা প্ৰস্থান কৰি মঙলবাৰে ০২:২০ বজাত যোগবানীত গৈ উপস্থিত হ’ব।
উভয় দিশৰ যাত্ৰাৰ সময়ত, বিশেষ ৰে’লখন ফৰবেছগঞ্জ, আৰাৰিয়া কোৰ্ট, কাটিহাৰ, খগৰীয়া, বাৰাউনী জংচন, পাটলিপুত্ৰ, আৰা, পণ্ডিত দীনদয়াল উপাধ্যায়, প্ৰয়াগৰাজ, আৰু ইটাৱা আদি ষ্টেচন হৈ চলাচল কৰিব। এই বিশেষ ৰে’লসমূহত যাত্ৰীসকলৰ সুবিধাৰ বাবে এচি-২টায়াৰ, এচি-৩টায়াৰ, শ্লীপাৰ শ্ৰেণী আৰু সাধাৰণ ছিটিং ডবাকে ধৰি ২২টা ডবা থাকিব।
আন এখন একমুখী বিশেষ ৰে’ল নং০৫৮৪১ ৰঙাপাৰা নর্থ আৰু টুণ্ডলাৰ মাজত চলিব, যি ৰঙাপাৰা নর্থৰ পৰা ১৫ ফেব্ৰুৱাৰী, ২০২৫ তাৰিখে ১৭:৩০ বজাত প্ৰস্থান কৰি ১৭ ফেব্ৰুৱাৰী, ২০২৫ তাৰিখে ০৬:৩০ বজাত টুণ্ডলাত গৈ উপস্থিত হ’ব। এই পদক্ষেপৰ লক্ষ্য হৈছে এই মহান ধৰ্মীয় অনুষ্ঠানত অংশগ্ৰহণ কৰা ভক্তসকলৰ বাবে সুবিধাজনক আৰু আৰামদায়ক ভ্ৰমণ বিকল্প প্ৰদান কৰা।
একেদৰে, বিশেষ ৰে’ল নং ০৭৫৪০ (কাটিহাৰ – মণিহাৰী) ২০:৩০ বজাত কাটিহাৰৰ পৰা যাত্ৰা আৰম্ভ কৰি ২১:৩০বজাত মণিহাৰীত গৈ উপস্থিত হব। উভতনি যাত্ৰাৰ দিশত, ৰে’ল নং ০৭৫৩৯ (মণিহাৰী – কাটিহাৰ) মণিহাৰীৰ পৰা ০৫:০০ বজাত যাত্ৰা আৰম্ভ কৰি ০৬:০০ বজাত কাটিহাৰত গৈ উপস্থিত হ’ব।
উভয় দিশৰ যাত্ৰাৰ সময়ত, এই বিশেষ ৰে’লসমূহ মনশাহী, খুৰৰামপুৰ, মহিয়াৰপুৰ, বাঘমাৰা হল্ট আদি ৰে’ল ষ্টেচন হৈ চলাচল কৰিব। বিশেষ ৰে’লসমূহত যাত্ৰীসকলৰ সুবিধাৰ বাবে ড্ৰাইভিং পাৱাৰ কোচ আৰু ট্ৰেইলাৰ কোচকে ধৰি ৮ টা ডবা থাকিব।
উত্তৰ পূব সীমান্ত ৰে’লৱেৰ এই পদক্ষেপে মহা কুম্ভ মেলাৰ বাবে ভ্ৰমণৰ পৰিকল্পনা কৰা যাত্ৰীসকলক সকাহ প্ৰদান কৰিব। বিশেষ ৰে’লসমূহে বিভিন্ন স্থানৰ পৰা তীৰ্থযাত্ৰীসকলক তেওঁলোকৰ নিজ নিজ গন্তব্যস্থানলৈ উভতনি যাত্ৰাতো সহায় কৰিব।
এই ৰে’লসমূহৰ ষ্টপেজ আৰু সময়ৰ বিস্তৃত বিৱৰণ আইআৰচিটিচি ৱেবছাইট আৰু উত্তৰ পূব সীমান্ত ৰে’লৱেৰ ছ’চিয়েল মিডিয়া প্লেটফৰ্মতো উপলব্ধ আছে। যাত্ৰীসকলক তেওঁলোকৰ যাত্ৰা আৰম্ভ কৰাৰ পূৰ্বে এই বিৱৰণসমূহ নিৰীক্ষণ কৰিবলৈ অনুৰোধ জনোৱা হৈছে।
