মুখ্যমন্ত্ৰী হিমন্ত বিশ্ব শৰ্মাই কয় যে ২০২৪ চনৰ লোকসভা নিৰ্বাচনৰ পূৰ্বে ৰাজ্যৰ মন্ত্ৰীসভাত কোনো ধৰণৰ সালসলনি নহয়।
নিৰ্বাচনৰ পূৰ্বে মন্ত্ৰীত্বৰ সালসলনি কৰা হ’ব বুলি চৰ্চা চলি থকাৰ সময়তে এই মন্তব্য মুখ্যমন্ত্ৰীৰ।
শনিবাৰে নতুন দিল্লীত সংবাদ মাধ্যমৰ সৈতে হোৱা কথা-বতৰাত মুখ্যমন্ত্ৰী শৰ্মাই কয়, ‘২০২৪ চনৰ লোকসভা নিৰ্বাচন শেষ নোহোৱালৈকে অসম মন্ত্ৰীসভাত কোনো ধৰণৰ সালসলনি নহ’ব। অৱশ্যে নিৰ্বাচনৰ পিছত, আৰু ৰাজ্যসভা নিৰ্বাচন অহাৰ আগতে মন্ত্ৰীসভাত নিশ্চিতভাৱে এক বৃহৎ সালসলনি কৰা হ’ব।”
হিমন্ত বিশ্ব শৰ্মাই লগতে স্পষ্ট কৰি দিয়ে যে লোকসভা নিৰ্বাচনলৈকে ৰাজ্যিক ভাৰতীয় জনতা পাৰ্টিৰ সভাপতিক সলনি কৰাৰ কোনো সম্ভাৱনা নাই।
মুখ্যমন্ত্ৰী শৰ্মাই কয়, ‘ৰাজ্যিক বিজেপিৰ সভাপতিৰ কাৰ্যকালৰ নিৰ্দিষ্ট কাৰ্যকাল থকাৰ বাবে ৰাজ্যিক বিজেপিৰ সভাপতি কেতিয়াও সলনি হ’ব নোৱাৰে। গতিকে ২০২৪ চনৰ লোকসভা নিৰ্বাচনৰ পূৰ্বে ৰাজ্যিক বিজেপিৰ নেতৃত্বৰ কোনো পৰিৱৰ্তন হোৱাৰ সম্ভাৱনা নাই।
উল্লেখযোগ্য যে দিল্লী ভ্ৰমণৰ সময়ত তেওঁ শুকুৰবাৰে কেন্দ্ৰীয় গৃহমন্ত্ৰী অমিত শ্বাহকো সাক্ষাৎ কৰে। অসমৰ শেহতীয়া বান পৰিস্থিতি সন্দৰ্ভত তেওঁ গৃহমন্ত্ৰীগৰাকীক শলাগ লয়। এছ ডি আৰ এফৰ পুঁজিৰ পৰা ৩৬০ কোটি টকা অসমলৈ আগবঢ়োৱাৰ বাবে অমিত শ্বাহৰ প্ৰতিও মুখ্যমন্ত্ৰী শৰ্মাই কৃতজ্ঞতা জ্ঞাপন কৰে।
