উল্লু এপকে ধৰি কেইবাটাও মোবাইল এপ আৰু ৱেবছাইটত অশ্লীল আৰু আপত্তিজনক বিষয়বস্তু প্ৰদৰ্শন কৰাৰ অভিযোগত কেন্দ্ৰীয় চৰকাৰে কঠোৰ ব্যৱস্থা গ্ৰহণ কৰিছে। তথ্য আৰু সম্প্ৰচাৰ মন্ত্ৰালয়ৰ পৰামৰ্শ অনুসৰি মুঠ ২৫টা এপ আৰু ৱেবছাইট নিষিদ্ধ কৰা হৈছে। দেশৰ ইণ্টাৰনেট সেৱা প্ৰদানকাৰীক ভাৰতীয় ব্যৱহাৰকাৰীসকলক এই এপ আৰু চাইটসমূহত প্ৰৱেশ কৰাত বাধা দিবলৈ নিৰ্দেশ দিয়া হৈছে।
তালিকাভুক্ত এপসমূহৰ ভিতৰত আছে উল্লু (ULLU), ALTT, Big Shots App, Desiflix, BoomX, Nabarsa Lite, Gulab App, Kangan App, Bull App, Jalba App, Wow Entertainment, Look Entertainment, Hitprime, Fenio, ShowX, Soul Talkies, Adda TV, HotX VIP, Hulchul App, MoodX, NeonX VIP, Fugee, Mozflix আৰু… ট্ৰিফ্লিক্স।
চৰকাৰী সূত্ৰ অনুসৰি এই এপ আৰু ৱেবছাইটসমূহে বিভিন্ন ধৰণৰ অশ্লীল বিজ্ঞাপন আৰু বিষয়বস্তুৰ প্ৰচাৰ চলাইছিল, যাৰ ফলত তথ্য প্ৰযুক্তি আইন আৰু অন্যান্য প্ৰচলিত আইন উলংঘা কৰা বুলি ধৰা হৈছে। বিশেষকৈ এই এপসমূহে তথ্য প্ৰযুক্তি আইন ২০০০ৰ ধাৰা ৬৭ আৰু ৬৭এ, ২০২৩ চনৰ ভাৰতীয় দণ্ডবিধিৰ ধাৰা ২৯৪, আৰু মহিলাৰ অশ্লীল প্ৰতিনিধিত্ব প্ৰতিৰোধ আইন, ১৯৮৬ৰ ধাৰা ৪ উলংঘা কৰাৰ অভিযোগ উত্থাপন কৰা হৈছে।
চৰকাৰী নিৰ্দেশনাত উল্লেখ আছে যে তথ্য প্ৰযুক্তি আইন ২০০০ৰ ধাৰা ৭৯(৩)(খ)ৰ অধীনত যদি কোনো মধ্যস্থতাকাৰী সংস্থাই চৰকাৰৰ পৰা জাননী লাভ কৰাৰ পিছত অবৈধ বিষয়বস্তু তৎকালীনভাৱে আঁতৰাব নোৱাৰে, তেন্তে তেওঁলোকৰ বিৰুদ্ধে কোনো দায়বদ্ধতা নাথাকে – বৰঞ্চ অপৰাধত সহায় আৰু সহযোগ কৰাৰ বাবে তেওঁলোক দোষী।
তথ্য আৰু সম্প্ৰচাৰ মন্ত্ৰালয়ে দাবী কৰিছে যে সমাজৰ নৈতিকতা আৰু আইনৰ শাসন ৰক্ষাৰ স্বাৰ্থত এনে এপ আৰু ৱেবছাইট নিষিদ্ধ কৰা হৈছে। ভৱিষ্যতে এনে ব্যৱস্থা অধিক কঠোৰ হ’ব পাৰে বুলি ইংগিত পোৱা গৈছে।
