ৰাজ্যৰ ভিতৰত কভিড পৰিস্থিতিয়ে ভয়ংকৰ ৰূপ ধাৰণ কৰা অতি স্পৰ্শ কাতৰ জিলা বিশ্বনাথ জিলাত বুধবাৰে মজুত নাই ক’ভিড প্ৰতিষেধক।
যোৱা ২২ জুন তাৰিখে বিশ্বনাথ জিলাৰ অভিভাবক মন্ত্ৰী পিজুষ হাজৰিকাই বিশ্বনাথত কভিড প্ৰতিষেধক ভাণ্ডাৰ আনুষ্ঠানিক ভাবে মুকলি কৰি দম্ভালি মাৰিছিল বিশ্বনাথত উভৈনদী হৈ থাকিব ক’ভিড প্ৰতিষেধক।
কিন্তু আজি বুধবাৰৰ দিনটোত বিশ্বনাথৰ জনসাধাৰণে লক ডাউনৰ মাজতে আৰক্ষী প্ৰশাসনৰ বিভিন্ন প্ৰশ্নৰ মুখা-মুখি হৈ প্ৰতিষেধক কেন্দ্ৰলৈ গৈ উভাতি আহিবলগীয়া হৈছে ঘৰলৈ।
ইফালে এই সন্দৰ্ভত বিশ্বনাথ জিলাৰ যুটীয়া স্বাস্হ্য সঞ্চালক গৰাকীক প্ৰশ্ন কৰাত জানিবলৈ দিছে যে কলিকতাৰ পৰা ভেকচিন আহি নোপোৱাৰ বাবেই সমগ্ৰ ৰাজ্যতে ভেকচিনৰ নাটনি হৈছে।
যাৰ বাবে এতিয়া বিশ্বনাথ জিলাতো ভেকচিনৰ নাটনি হৈছে। অৱশ্যে কাইলৈৰ ভিতৰত ভেকচিনৰ এই সমস্যা দুৰ হোৱাৰ সম্ভাৱনা আছে বুলি কয় যুটীয়া সঞ্চালক গৰাকীয়ে।
এতিয়া প্ৰশ্ন হল বিশ্বনাথৰ দৰে ক’ভিড পৰিস্থিতিয়ে ভয়াৱহ ৰূপ ধাৰণ কৰা অতি স্পৰ্শকাতৰ জিলাত ক’ড প্ৰতিষেধক মজুত নথকাতো কিমান ভয়কৰ কথা সেয়া হয়তো মন্ত্ৰী-আমোলাসকলে সঠিক ভাবে অনুধাৱনেই কৰিব পৰা নাই।
