সমগ্ৰ বিশ্বই ক’ৰ’নাৰ সংহাৰত বিধ্বস্ত হৈ পৰাৰ সময়তে এছিয়া মহাদেশত ঘণীভূত হৈছে যুদ্ধৰ আশংকা।
দুই চিৰবৈৰী উত্তৰ কোৰিয়া আৰু দণিক্ষ কোৰিয়াৰ মাজত বাজি উঠিব নেকি যুদ্ধৰ দামামা!
ক’ৰ’নাংতকৰ মাজতে উত্তৰ কোৰিয়া আৰু দক্ষিণ কোৰিয়াৰ সম্পৰ্কৰ অধিক অৱনতি ঘটাৰ পৰলিক্ষিত হৈছে।
উত্তৰ কোৰিয়াৰ একনায়কত্ববাদী শাসক কিম জঙে দক্ষিণ কোৰিয়াৰ সাগৰীয় এলেকাত বলাষ্টিক ক্ষেপনাস্ত্ৰৰ নিক্ষেপ কৰা বুলি দাবী কৰিছে দক্ষিণ কোৰিয়াই।
যোৱা দেওবাৰে পুৱা কোৰিয়ান পেনিনছুলা আৰু জাপানৰ মাজৰ দক্ষিণ কোৰিয়াৰ অংশত উত্তৰ কোৰিয়াই বলাষ্টিক ক্ষেপনাস্ত্ৰ নিক্ষেপ কৰিছে বুলি দক্ষিণ কোৰিয়াৰ যুটীয়া মুখ্য ষ্টাফে দাবী কৰিছে।
দক্ষিণ কোৰিয়াৰ সামৰিক বিভাগে এয়া ‘অতি অনাকাংক্ষিত’ বুলি অভিহিত কৰি কয় যে সমগ্ৰ বিশ্বই ক’ৰ’না ভাইৰাছত আক্ৰান্ত হোৱাৰ সময়ত উত্তৰ কোৰিয়াৰ এনে আচৰণ উচিত হোৱা নাই।
২০১৯ বৰ্ষৰ পহিলাতে ভিয়েটনামত উত্তৰ কোৰিয়াৰ ৰাষ্ট্ৰপতি কিম জং আৰু আমেৰিকাৰ ৰাষ্ট্ৰপতি ড’নাল্ড ট্ৰাম্প মিলিত হোৱাৰ পিছৰে পৰা উত্তৰ কোৰিয়াই সামৰিক কুচকাৱাজ উন্নত কৰিছে বুলি দাবী কৰিছে দক্ষিণ কোৰিয়াই।
কিছু আন্তৰাষ্ট্ৰীয় বিশেষজ্ঞই কৈছে যে. উত্তৰ কোৰিয়াই ২০১৮ চনৰ পৰা কোনো ধৰণৰ পাৰমাণৱিক অস্ত্ৰৰ পৰীক্ষণ কৰা নাই।
ইফালে উত্তৰ কোৰিয়াও মাৰাত্মক ক’ৰ’না ভাইৰাছ প্ৰতিৰোধৰ বাবে বিশ্ব সম্প্ৰদায়ৰ সৈতে ব্যস্ত হৈ আছে বুলি জনাইছে।
আনহাতে উত্তৰ কোৰিয়াই বাৰে বাৰে দাবী কৰি আহিছে যে দেশখনত এতিয়া ক’ৰ’না ভাইৰাছৰ কোনো সংক্ৰমণ নাই।