১০০ বছৰ নহয়, মানুহে ইচ্ছা কৰিলে ২০০ বছৰলৈকে জীয়াই থাকিব পাৰে’ : এই দাবী বাবা ৰামদেৱেৰ

এজন ব্যক্তিৰ স্বাভাৱিক গড় আয়ুস ১০০ বছৰ নহয়, ১৫০ৰ পৰা ২০০ বছৰ। যোগগুৰু ৰামদেৱে শেহতীয়াকৈ এক সাক্ষাৎকাৰত এই কথা দাবী কৰিছে।

২৮ জুনত কন্যা শ্বেফালী জাৰিৱালৰ মাত্ৰ ৪২ বছৰ বয়সতে মুম্বাইত মৃত্যু হয়। মৰণোত্তৰ পৰীক্ষাৰ অন্তত প্ৰতিবেদনত প্ৰকাশ পায় যে তেওঁৰ ৰক্তচাপ দ্ৰুতগতিত হ্ৰাস পোৱাৰ বাবে হাৰ্ট এটেক হৈছিল।

প্ৰতিবেদনত এই দ্ৰুত ৰক্তচাপ হ্ৰাস পোৱাৰ কাৰণো উল্লেখ কৰা হৈছে। অভিনেত্ৰীগৰাকীৰ শৰীৰত উদ্ধাৰ হৈছে গ্লুটাথিয়ন নামৰ ৰাসায়নিক পদাৰ্থ। যিটো মূলতঃ এন্টি এজিং ঔষধত পোৱা যায়। মৃত্যুৰ পিছতো আৰক্ষীয়ে অভিনেত্ৰীগৰাকীৰ ঘৰত তালাচী চলাই ২টা বাকচত এন্টি এজিং ড্ৰাগছ উদ্ধাৰ কৰে। সেই ঔষধৰ বাবেই ৰক্তচাপ কমি গৈছিল।

অভিনেত্ৰী শ্বেফালী জাৰিৱালৰ মৃত্যুক লৈ চলি থকা বিতৰ্কৰ মাজতে শেহতীয়াকৈ ৰামদেৱে এটা সংবাদ মাধ্যমক সাক্ষাৎকাৰ দি কয় যে, “এজন মানুহৰ স্বাভাৱিক আয়ুস ১০০ বছৰ নহয়। বৰঞ্চ মানুহৰ স্বাভাৱিক আয়ুস কমেও ১৫০ৰ পৰা ২০০ বছৰ। কিন্তু মানুহে প্ৰয়োজনতকৈ মগজু, চকু আৰু পেটত অধিক হেঁচা প্ৰয়োগ কৰে। সেই বাবে মানুহ ২০০ বছৰলৈকে জীয়াই নাথাকে।”

ৰামদেৱৰ দাবী যে এজন ব্যক্তিয়ে ১০০ বছৰত যি খাদ্য খাব লাগে, এতিয়া মানুহে মাত্ৰ ২৫ বছৰত খায়। এই সাক্ষাৎকাৰত তেওঁ আনকি কয় যে যদি কোনোবাই নিজকে নিয়ন্ত্ৰণ কৰিব পাৰে তেন্তে  ১০০ বছৰলৈকে বাৰ্ধক্য নাহে। ৰামদেৱে কয় “মোৰ বয়স ৬০ বছৰ। কিন্তু কেৱল খাদ্য আৰু জীৱনৰ মানদণ্ডৰ বাবেই মই সম্পূৰ্ণ সুস্থ আৰু সজীৱ।”তেওঁ কয়, “আমাৰ শৰীৰৰ প্ৰতিটো কোষৰ স্বাভাৱিক আয়ুস থাকে। যেতিয়া আপুনি ইয়াৰ লগত হস্তক্ষেপ কৰে তেতিয়া ই আভ্যন্তৰীণ বিশৃংখলতাৰ সৃষ্টি কৰে। যাৰ ফলত হাৰ্ট এটেকৰ দৰে পৰিস্থিতিৰ সৃষ্টি হয়।”