Barack Obama: ‘ইউক্ৰেইন যুদ্ধ শেষ হ’বলৈ বহু দেৰি আছে’: আশংকা আমেৰিকাৰ প্ৰাক্তন ৰাষ্ট্ৰপতি বাৰাক অ’বামাৰ
আমেৰিকা যুক্তৰাষ্ট্ৰৰ প্ৰাক্তন ৰাষ্ট্ৰপতি বাৰাক অ’বামাই আশংকা প্ৰকাশ কৰিছে যে ইউক্ৰেইন যুদ্ধ শেষ হ’বলৈ বহু দেৰি আছে। তেওঁ অনুমান কৰে যে এই যুদ্ধত মৃত্যু হোৱা লোকৰ সংখ্যা বাঢ়ি যাব।
কোপেনহেগেন ডেম’ক্ৰেচি ফ’ৰামত অংশগ্ৰহণ কৰি আমেৰিকা যুক্তৰাষ্ট্ৰৰ ৪৪ তম ৰাষ্ট্ৰপতিগৰাকীয়ে এইদৰে মন্তব্য কৰে।
বাৰাক অ’বামাই যুদ্ধ শেষ নোহোৱালৈকে ইউক্ৰেনীয়সকলক আমেৰিকা যুক্তৰাষ্ট্ৰৰ সাহায্য অব্যাহত ৰাখিবলৈ আহ্বান জনায়।
লগতে পঢ়ক: Pervez Musharraf: গুৰুতৰভাৱে অসুস্থ প্ৰাক্তন পাক ৰাষ্ট্ৰপতি পাৰভেজ মুছাৰফ; ডুবাইত চিকিৎসাধীন
তেওঁ কয় যে সমগ্ৰ বিশ্বতে গণতন্ত্ৰ বাধাপ্ৰাপ্ত হৈছে। গণতন্ত্ৰ বজাই ৰাখিবলৈ হ’ল ইয়াৰ বাবে যুঁজ দিব লাগিব।
ইউক্ৰেনে ৰাছিয়াৰ আক্ৰমণৰ বিৰুদ্ধে সাহসী প্ৰতিৰোধ আগবঢ়াইছে বুলি উল্লেখ কৰি বাৰাক অবামাই কয় যে তেওঁলোকে কেৱল তেওঁলোকৰ সাৰ্বভৌমত্ব ৰক্ষাৰ বাবেই একত্ৰিত হৈছে এনে নহয়, লগতে তেওঁলোকৰ গণতান্ত্ৰিক পৰিচয়ৰ বাবেও একত্ৰিত হৈ পৰিছে।