পুনৰ তদন্তকাৰী সংস্থাৰ বিৰুদ্ধে সৰৱ হৈ পৰিছে পৰিবেশকৰ্মী সোণম ৱাংচুকৰ পত্নী। জলবায়ু কৰ্মী সোণম ৱাংচুকক ৰাষ্ট্ৰীয় নিৰাপত্তা আইনৰ অধীনত আটক কৰি ৰাজস্থানৰ যোধপুৰলৈ লৈ যোৱাৰ এদিন পাছতে ৱাংচুকৰ পত্নীয়ে কয় যে তেওঁ এতিয়াও আটক কৰিবলৈ দিয়া নিৰ্দেশৰ প্ৰতিলিপি পোৱা নাই বা স্বামীৰ সৈতেও কথা পাতিবলৈ দিয়া হোৱা নাই।
ৱাংচুকৰ পত্নী গীতাঞ্জলি আংমোৱে দ্য হিন্দুক জনোৱা মতে, ৱাংচুকক তেওঁৰ গাঁৱৰ পৰা আটক কৰাৰ দিনা অৰ্থাৎ ২৬ ছেপ্টেম্বৰত আৰক্ষীয়ে কৈছিল যে ৱাংচুকক যোধপুৰ পোৱাৰ পাছত পত্নীৰ সৈতে কথা পাতিবলৈ দিয়া হ’ব।
যোৱা মাহত ভূমি পঞ্জীয়ন বাতিল হোৱা লাডাখৰ হিমালয়ান ইনষ্টিটিউট অৱ অলটাৰনেট ষ্টাডিজৰ সহ-প্ৰতিষ্ঠাপক শ্ৰীমতী আংমোৱে কয় যে, ‘২৪ ঘন্টাতকৈও অধিক হ’ল বিদেশী পুঁজিৰ নিয়ম উলংঘাৰ বাবেও তদন্ত চলি আছে। কিন্ত এতিয়াও মোক যোগাযোগ কৰিবলৈ দিয়া হোৱা নাই।’
বিগত পাঁচ বছৰে লাডাখৰ বাবে সাংবিধানিক সুৰক্ষাৰ দাবী উত্থাপন কৰা আন্দোলনৰ নেতৃত্ব দি লাডাখ বৌদ্ধ সন্থাৰ সভাপতি তথা লেহ এপেক্স বডীৰ সহ-আয়োজক চেৰিং ডৰ্জে লাক্ৰুৱে গৃহ পৰিক্ৰমা মন্ত্ৰালয়ক ৱাংচুকৰ সুৰক্ষা নিশ্চিত কৰিবলৈ আহ্বান জনায়।
লাক্ৰুৱে কৈছে যে, ‘তেওঁলোকে কৈছে যে নেপালৰ লোকে হিংসাৰ বাবে উচটনি দিছিল। ইয়াত বহু নেপালী নাগৰিকে বাস কৰে আৰু কাম কৰে। এই কথা সঁচা হ’লেও দুদিনত এজন বিদেশীয়ে কেনেকৈ ৫ হাজাৰ যুৱকক সকলো নিৰাপত্তা সংস্থা নিয়োজিত হৈ থকাৰ পাছতো সংগঠিত কৰিব পাৰিলে? ইণ্টেলিজেন্স ব্যুৰো, ৰিচাৰ্চ এণ্ড এনালাইছিছ উইং (RAW), সেনা, সকলো ইয়াত আছে। লেহ এখন সৰু চহৰ, ইয়াৰ পৰাই অনুমেয় যে ইয়াত কোনো ৰাষ্ট্ৰ বিৰোধী আৱেগ নাছিল, কেৱল যুৱক-যুৱতীসকলৰ হতাশাহে প্ৰতিবাদৰ যোগেদি প্ৰতিফলিত হৈছিল।’
উল্লেখ্য যে, লেহৰ শেহতীয়া পৰিস্থিতিৰ পাছত শনিবাৰে আদালতত আত্মসমৰ্পণ কৰা ১২ জন লোকৰ ভিতৰত আছে আপাৰ লেহৰ ষ্টেনজিন চেপাক আৰু ছাছপলৰ স্মনলা ডৰ্জে নুৰবু নামৰ দুগৰাকী কংগ্ৰেছ কাউন্সিলাৰ।
বাকী সকলোকে ন্যায়িক জিম্মালৈ পঠিওৱাৰ বিপৰীতে কংগ্ৰেছৰ কাউন্সিলাৰ আৰু আন দুজন — এল বি এৰ উপ-সভাপতি ৰিগজিন ডৰ্জে আৰু টিনমোজগাঙৰ গাঁৱৰ মুৰব্বী চেৱাং ডৰ্জেক আৰক্ষীৰ জিম্মালৈ প্ৰেৰণ কৰা হয়।
