শিৱসাগৰত ঐক্য সেনা অসমৰ কেন্দ্ৰীয় সমিতিৰ উদ্যোগত তৃতীয় বাৰ্ষিক প্ৰতিষ্ঠা দিৱস আৰু দ্বিতীয় বাৰ্ষিক অধিৱেশনখন দুনিনীয়া কাৰ্য্যসূচীৰে সফলতাৰে অনুষ্ঠিত হৈ যায়।
৩ ছেপ্তেম্বৰ মংগলবাৰে ঐক্য সেনাৰ শিৱসাগৰ মুখ্য কাৰ্য্যালয়ত অনুষ্ঠিত প্ৰতিনিধি সভাৰ অন্তত ৪ ছেপ্তেম্বৰ বুধবাৰে ৰাতিপুৱা পতাকা উত্তোলন কৰে কেন্দ্ৰীয় সমিতিৰ সভাপতি দেৱজিত শৰ্মাই, স্মৃতি তৰ্পন কৰে কেন্দ্ৰীয় সমিতিৰ সম্পাদক ফৰিদ ইছলাম হাজৰিকায়।
ইয়াৰ পাছতে অনুষ্ঠিত হোৱা মুকলি সভাত সভাপতিত্ব কৰে ঐক্য সেনাৰ ৰাজ্যিক সমিতিৰ সভাপতি দেৱজ্যোতি শৰ্মাই।
সভাত ‘সাম্প্ৰতিক কালত অৰ্থসামাজিক প্ৰেক্ষাপটত জাতীয়তাবাদ’ শীৰ্ষক বক্তৃতানুষ্ঠানত মুখ্য বক্তা হিচাপে অংশ গ্ৰহণ কৰি শিৱসাগৰ বাণিজ্য মহাবিদ্যালয়ৰ অধ্যক্ষ তথা শিৱসাগৰ প্ৰেছ ক্লাৱৰ সভাপতি সৌমাৰ জ্যোতি মহন্তই স্বৰ্গদেউ চাওলুং চ্যুকাফাৰ
চ্যুকাফাৰ জাতীয়তাবাদত দেশপ্ৰেম, কৰ্মশক্তি, জাতীয় ঐক্য আৰু সংহতি আছিল বুলি উল্লেখ কৰি মহন্তই আন এক প্ৰসংগত উগ্ৰ জাতীয়তাবাদ পৰিহাৰ কৰি বস্তুনিষ্ঠ, যুক্তিনিষ্ঠ বিশ্লেষণাত্মক হব লাগে বুলি মন্তব্য কৰে।
আনহাতে, সন্ধিয়া অসমৰ ক্ৰীড়া, কলা সংস্কৃতি, সামাজিক, সাহিত্য ক্ষেত্ৰখনলৈ অনবদ্য অৱদান আগবঢ়োৱা কবি-সাহিত্যিক প্ৰেম গগৈ, ভাস্কৰ্য শিল্পী দূৰ্লভ বড়া, প্ৰবীণ খেলুৱৈ মহিশ্ৰী সন্দিকৈ, সাংবাদিক জয়জ্যোতি গগৈ, ক্ৰীড়া সংগঠক দেৱজ্যোতি দত্ত, উদীয়মান সংগীত শিল্পী প্ৰত্যাশী কলিতা, প্ৰকৃতিপ্ৰেমী সমীৰণ হাতীমূৰীয়াকে ধৰি ২১ গৰাকী ব্যক্তিক সম্বৰ্দ্ধনা জনোৱা হয়।
সম্বৰ্দ্ধনা অনুষ্ঠানৰ অন্তত অনুষ্ঠিত হোৱা বাৰেৰহনীয়া সাংস্কৃতিক অনুষ্ঠানত সংগীত পৰিবেশন কৰে অসমৰ জনপ্ৰিয় কণ্ঠ শিল্পী দেৱজিত বড়াৰ লগতে শিৱসাগৰৰ অডিঅ’ চিটিৰ শিল্পী সকলে।