প্ৰেমৰ প্ৰস্তাৱ অগ্ৰাহ্য কৰাৰ বাবেই নৱম শ্ৰেণীত অধ্যয়নৰত এগৰাকী ১৫ বছৰীয়া কিশোৰীক পথৰ মাজতে গুলীয়াই হত্যাৰ চেষ্টা চলালে এগৰাকী যুৱকে। এই সমগ্ৰ ঘটনাৰ দৃশ্য বন্দী হৈছে ঘটনাস্থলীৰ কাষতে থকা এক ব্যৱসায়িক প্ৰতিষ্ঠানৰ চিচিটিভি কেমেৰাত।
ঘটনা সন্দৰ্ভত আৰক্ষীয়ে জানিবলৈ দিয়া মতে বুধবাৰে সন্ধিয়া প্ৰায় ৭:৩০ বজাত চিপাৰাৰ ইন্দ্ৰপুৰী অঞ্চলত কিশোৰীগৰাকী এক প্ৰশিক্ষণ কেন্দ্ৰৰ পৰা উভতি অহাৰ সময়তে এই ঘটনা সংঘটিত হয়।
ইফালে ভাইৰেল হৈ পৰা চিচিটিভি ফুটেজটোত এজন ব্যক্তিয়ে কিশোৰী গৰাকীক অনুসৰণ কৰি বেগৰ পৰা এটা বন্দুক উলিয়াই কিশোৰী গৰাকীক লক্ষ্য কৰি গুলীওৱা দেখিবলৈ পোৱা গৈছে।
কিশোৰীগৰাকীৰ শৰীৰত গুলী লগাৰ পিছতে মাটিত ঢলি পৰে আৰু যুৱকজন ঘটনাস্থলীৰ পৰা পলায়ন কৰে।
Bihar| A vegetable vendor’s daughter shot yesterday in Indrapuri locality of Sipara area of Beur PS in Patna. Injured girl who was shot in the neck is undergoing treatment in a private hospital. Matter is being said to be a love affair: Patna Police
(Visuals: CCTV footage) pic.twitter.com/kHbddcU2L1
— ANI (@ANI) August 18, 2022
আৰক্ষীয়ে প্ৰাথমিক অনুসন্ধানৰ পিছত প্ৰেমৰ সম্পৰ্কৰ পৰিণামতে এই ঘটনা সংঘটিত হয় বুলি প্ৰকাশ কৰিছে।
অৱশ্যে গুলীবিদ্ধ কিশোৰী গৰাকীৰ বক্তব্য লিপিবদ্ধ কৰাৰ পিছতহে প্ৰকৃত কাৰণ পোহৰলৈ আহিব বুলি আৰক্ষীয়ে উল্লেখ কৰে।
আনহাতে গুলীবিদ্ধ কিশোৰী গৰাকীৰ বৰ্তমান সংকটজনক আৰু এখন ব্যক্তিগত চিকিৎসালয়ত চিকিৎসাধীন হৈ আছে বুলি আৰক্ষীয়ে জানিবলৈ দিছে।
ইফালে চিচিটিভি ফুটেজৰ আধাৰত অভিযুক্তগৰাকীক চিনাক্ত কৰা হৈছে যদিও এতিয়াও গ্ৰেপ্তাৰ কৰা হোৱা নাই বুলি জানিব পৰা গৈছে।