Know the price and mileage of Bajaj Qute ভাৰতত ৫ লাখ টকাৰ তলত Maruti Alto, Renault Kwid-ৰ দৰে গাড়ীবোৰ অতি জনপ্ৰিয়। এই গাড়ীবোৰে তেওঁলোকৰ কম মূল্যত অধিক মাইলেজৰ বাবে দেশৰ গ্ৰাহকসকলক আকৰ্ষণ কৰিছে। কিন্তু আপোনাৰ বাব ভাল খৱৰটো হ’ল যে অতি কম মূল্যত বজাৰলৈ আহিছে এনে এখন কোৱাড্ৰিচাইকেল যিয়ে আপোনাক সাংঘাতিক মাইলেজ দিব।
Bajaj Qute বা Bajaj RE60 এনে এখন গাড়ী যি গতিৰ লগতে আপোনাক এক আৰামদায়ক যাত্ৰাত সহায় কৰিব। মহাৰাষ্ট্ৰত এই গাড়ীখনৰ এক্স-শ্ব’ৰুম মূল্য মাত্ৰ ২.৬৪ লাখ টকাৰ পৰা আৰম্ভ হৈছে। আপুনি যদি সস্তাত এখন গাড়ী কিনাৰ কথা ভাৱিছে তেন্তে আপুনি Bajaj Qute চাই ল’ব পাৰে।
কম দামৰ লগতে এই গাড়ীখনে দিব সাংঘাতিক মাইলেজ। সেইকাৰণে এই গাড়ীখনৰ জনপ্ৰিয়তা দিনক দিনে বাঢ়ি আহিছে। যদিও বহুতেই লকৰ বাবে এই গাড়ীখন ক্ৰয় কৰাৰ সিদ্ধান্তত থমকি ৰৈছে, আন বহুলোকে কিন্তু মাইলেজৰ বাবেই এই গাড়ীখন ঘৰলৈ আনিছে।
যদি পৰিয়ালৰ বাবে আপুনি সৰু গাড়ী বিচাৰে তেন্তে Bajaj Qute ব্যৱহাৰ চাব পাৰে। চাৰিটা চিটৰ এই গাড়ীখনত 216.6 cc ইঞ্জিন আছে। লিকুইড কুলড DTS-i ইঞ্জিন ব্যৱহাৰ কৰা হৈছে। এই গাড়ীখন পেট্ৰ’ল আৰু CNG দুয়োটা বিকল্পত ক্ৰয় কৰিব পাৰি। পেট্ৰ’ল ইঞ্জিনত সৰ্বাধিক 13.1 PS শক্তি আৰু 18.9 Nm টৰ্ক উপলব্ধ আছে।
ভাৰতত Maruti Alto ৰ মূল্য ৩.৩৯ লাখ টকাৰ পৰা আৰম্ভ হয়। আনহাতে, Renault Kwid ৰ বেছ মডেলৰ মূল্য ৪.৬৪ লাখ টকা।
বাজাজ অটোৱে ইতিমধ্যে এই গাড়ীখনৰ বৈদ্যুতিক সংস্কৰণ বজাৰলৈ অনাৰ ইচ্ছা প্ৰকাশ কৰিছে। দুচকীয়া আৰু তিনিচকীয়া বৈদ্যুতিক গাড়ী বজাৰলৈ অনাৰ পিছত এই চাৰিচকীয়া বৈদ্যুতিক গাড়ী বজাৰলৈ আহিব পাৰে। অৱশ্যে, কোম্পানীটোৰ কৰ্তৃপক্ষই Bajaj Qute ৰ বৈদ্যুতিক সংস্কৰণ কেতিয়া বজাৰলৈ আহিব সেই বিষয়ে সদৰী কৰা নাই।
অৱশ্যে Bajaj Qute-য়ে ইমান দিন ধৰি এই বজাৰত আধিপত্য বিস্তাৰ কৰি আহিছে যদিও মহিন্দ্ৰাই এইবাৰ কোৱাড্ৰিচাইকেল বজাৰত প্ৰৱেশ কৰিবলৈ আগবাঢ়িছে। কোম্পানীৰ Atom সোনকালেই বজাৰলৈ আহিব। মহিন্দ্ৰাই চলিত বিত্তীয় বৰ্ষতে এই কোৱাড্ৰিচাইকেল মুকলি কৰাৰ সম্ভাৱনা আছে। কোম্পানীটোৱে অৱশ্যে এতিয়ালৈকে কোনো আনুষ্ঠানিক ঘোষণা কৰা নাই।
