ভাৰতীয় ৰে’লৱে ১ ছেপ্টেম্বৰৰ পৰা চাৰ্ভিছ চাৰ্জ বৃদ্ধি কৰিছে। ইয়াৰ বাবে আইআৰচিটিচিৰ জৰিয়তে অনলাইন টিকট ক্ৰয় কৰা যাত্ৰীসকলে অধিক ভাড়া ভৰিবলগীয়া হৈছে।
যিসকলে ৰে’লতল সঘনে যাত্ৰা কৰে আৰু ভাড়াত ৰেহাই বিচাৰে তেওঁলোকৰ বাবে এই খৱৰ লাভজনক হ’ব।
ভাৰতীয় ৰে’লৱেই ছাত্ৰ, কৃষক, দৰিদ্ৰ, ৰোগী, চিকিৎসক, খেলুৱৈ, সাংবাদিক, নিবনুৱা, চৰকাৰী চাকৰিৰ বাবে প্ৰস্তুতি চলোৱা প্ৰাৰ্থী, দিব্যাংগ, বৃদ্ধকে ধৰি বিভিন্নজনক ৰে’ল ভাড়াত ২৫ৰপৰা ৭৫ শতাংশলৈ ৰেহাই দিয়ে।
তদুপৰি, ৰোগী আৰু দিব্যাংগৰ সৈতে যাত্ৰা কৰা লোকেও ৰে’ল ভাড়াত ৰেহাই লাভ কৰে।
ৰে’ল ভাড়াত এই ৰেহাই সাধাৰণ টিকটৰ পৰা আৰম্ভ কৰি শ্লীপাৰ, এট ফাৰ্ষ্ট ক্লাছ, এ চি চেয়াৰ কাৰ আৰু এ চি ছেকেণ্ড ক্লাছ পৰ্যন্ত টিকটলৈকে পোৱা যায়।
ৰে’ল ভাড়াত ৰেহাই বিচৰাসকলে এখন প্ৰপত্ৰ পূৰণ কৰিব লাগে আৰু তাৰ পাছত ভাড়াত এই ৰেহাই লাভ কৰে।
যদি কোনোবা ৰোগীয়ে ৰে’ল ভাড়াৰ ৰেহাই বিচাৰে তেনেহ’লে তেওঁ চিকিৎসকৰ পৰা এখন প্ৰমান পত্ৰ ল’ব লাগিব।
কোনবোৰ লোকক ৰে’ল ভাড়াত ৰেহাই দিয়া হয় চাওক-
ৰে’ল ভাড়াত ৭৫ শতাংশ ৰেহাইৰ সুবিধা কোনে লাভ কৰিবঃ
১. দিব্যাংগ আৰু পেৰাপ্লেজিয়া পীড়িত লোক
২. মানসিক ৰোগী
৩. কেন্সাৰ ৰোগী
৪. থেলাছেমিয়া ৰোগী
৫. হাৰ্ট চাৰ্জাৰীৰ বাবে যাত্ৰা কৰা হৃদৰোগী
৬. কিডনী ট্ৰান্সপ্লেন্ট অপাৰেশ্যন/ ডায়েলিছিছৰ বাবে যাত্ৰা কৰা কিডনীৰ ৰোগী
৭. গুৰুতৰভাৱে আক্ৰান্ত হেমোফেলিয়া ৰোগী
৮. টি বি/ লুপাছ ভালগাৰিছ ৰোগী
৯. সংক্ৰমণহীন কুষ্ঠৰোগী
১০. উৎপাদন তথা অবিনৱ কাৰ্য সম্পাদনৰ বাবে প্ৰধান মন্ত্ৰী শ্ৰম পুৰষ্কাৰ প্ৰাপ্ত ঔদ্যোগিক কৰ্মী
১১. যুদ্ধ বিধৱা
১২. শ্ৰীলংকাত ছহিদ হোৱা I.P.K.F.সৈনিকৰ বিধৱা
১৩. সন্ত্ৰাসবাদী আৰু উগ্ৰপন্থীৰ বিৰুদ্ধে সংৰ্ঘষত প্ৰাণ দিয়া আৰক্ষী তথা ছহিদ অৰ্দ্ধ সামৰিক জোৱানৰ বিধৱা
১৪. সন্ত্ৰাসবাদী আৰু উগ্ৰপন্থীৰ বিৰুদ্ধে সংৰ্ঘষত ছহিদ সৈনিকৰ বিধৱা
১৫. ১৯৯৯’ৰ কাৰ্গিল যুদ্ধৰ অপাৰেশ্যন বিজয়ত ছহিদৰ বিধৱা
১৬. অধ্যয়নৰ বাবে স্কুল বা কলেজলৈ অহা যোৱা কৰা অনুসূচীত জাতি আৰু অনুসূচীত জনজাতিৰ ছাত্ৰ-ছাত্ৰী
ৰে’ল ভাড়াত ৫০ শতাংশ ৰেহাইৰ সুবিধা কোনে লাভ কৰিবঃ
১. এজমা ৰোগী
২. ৫৮ বছৰ বা ইয়াৰ অধিক বয়সৰ মহিলা
৩. ৬০ বছৰ পূৰ্ণ কৰা ৰাষ্ট্ৰপতিৰ পুলিচ পদক প্ৰাপ্ত ব্যক্তি
৪. ৰাষ্ট্ৰপতিৰ দ্বাৰা প্ৰদত্ত ৰাষ্ট্ৰীয় শিক্ষকৰ পুৰষ্কাৰেৰে সন্মানিত ব্যক্তি
৫. ৰাষ্ট্ৰীয় সাহসিকতাৰ পুৰষ্কাৰেৰে সন্মানিত শিশুৰ লগতে এজন অভিভাৱক
৬. অধ্যয়নৰ বাবে স্কুল বা কলেজলৈ অহা যোৱা কৰা সাধাৰণ আৰু অন্যান্য পাছপৰা শ্ৰেণীৰ ছাত্ৰ-ছাত্ৰী
৭. UPSC আৰু SSC ৰ দ্বাৰা অনুষ্ঠিত মূল লিখিত পৰীক্ষা অংশ লোৱা পৰীক্ষাৰ্থী
৮. মুকবধিৰ আৰু কলা ব্যক্তি
৯. গৱেষণা সম্বন্ধীয় কাম যাত্ৰা কৰা গৱেষক পণ্ডিত
১০. ৰাষ্ট্ৰীয় একতা শিৱিৰত অংশ ল’বলৈ যাত্ৰা কৰা যুৱক-যুৱতী
১১. ৰাজহুৱা খণ্ডৰ প্ৰতিষ্ঠান (কেন্দ্ৰীয়, ৰাজ্য চৰকাৰ, নিকায়, নগৰ-নিগম, চৰকাৰী খণ্ডৰ বিশ্ববিদ্যালয়)ত চাকৰিৰ বাবে সাক্ষাৎকাৰ দিবলৈ যোৱা প্ৰাৰ্থী
১২. উন্নত পাম/ডেইৰী পালন শিকিবলৈ ৰাষ্ট্ৰীয় পৰ্যায়ৰ প্ৰতিষ্ঠানলৈ যাবলগীয়া কৃষক
ৰে’ল ভাড়াত ৰেহাইৰ সুবিধা লাভ কৰিবলৈ উপৰোক্ত শ্ৰেণীৰ লোকসকলে টিকট কৰাৰ সময়ত উপযুক্ত নথি প্ৰদৰ্শন কৰি ৰেহাই লাভ কৰিব পাৰে।
