গুৱাহাটী মহানগৰীৰ আদাবাৰীত আজি দুপৰীয়া সংঘটিত হোৱা এক শোকাৱহ পথ দুৰ্ঘটনাত ফাৰহান নাদিম নামৰ এজন যুৱকৰ মৃত্যু হয়।
জানিব পৰা মতে, অসম ৰাজ্যিক পৰিবহন নিগমৰ এখন তীব্ৰ বেগী বাছে ফাৰহান নাদিম নামৰ যুৱকজনে চলাই অহা দুচকীয়া বাহনখনত খুন্দা মৰাৰ ফলতে শোকাৱহ দুৰ্ঘটনাটো সংঘটিত হয়।
‘‘মই এখন দোকানৰ সন্মুখত থিয় হৈ থকাৰ সময়তে দুৰ্ঘটনাৰ শব্দ শুনিবলৈ পাঁও আৰু দুৰ্ঘটনা সংঘটিত হোৱা স্থানলৈ দৌৰি গৈ এজন যুৱকৰ মৃতদেহ পথৰ ওপৰত পৰি থকা দেখো,’’ এগৰাকী প্ৰত্যক্ষদৰ্শীৰ ভাষ্য।
দুৰ্ঘটনাস্থলীত উপস্থিত থকা লোকসকলে দুৰ্ঘটনাত মৃত্যু হোৱা যুৱকজনৰ ঘৰ গাড়ীগাঁৱত বুলি চিনাক্ত কৰে।
আনহাতে, দুৰ্ঘটনা সংঘটিত কৰিয়ে বাছখনৰ চালক আৰু হেণ্ডিমেন গৰাকীয়ে পলায়ন কৰে।
পৰৱৰ্তী সময়ত দুৰ্ঘটনাস্থলীত আৰক্ষীৰ দল উপস্থিত হৈ দুৰ্ঘটনাগ্ৰস্ত বাহন দুখন জব্দ কৰে।
স্থানীয় লোকে আৰক্ষীৰ সহযোগত যুৱকজনক চিকিৎসালয়লৈ লৈ যায় যদিও ঘটনাস্থলীত তেওঁৰ মৃত্যু হয়।
তীব্ৰ বেগেৰে যান-বাহন চলোৱাৰ বাবেই এনেদৰে দৈনিক পথ দুৰ্ঘটনাৰ সংখ্যা বৃদ্ধি পাই আহিছে বুলি উপস্থিত লোকসকলে মন্তব্য কৰে।