নিশা কলিয়াবৰৰ বৰঘূলীত সংঘটিত ভয়ংকৰ পথ দুৰ্ঘটনাত এজন লোক নিহত হয়। ডাম্পাৰৰ খুন্দাত থিতাতে নিহত হয় ৩ নং বৰঘূলীৰ আবুল বাছাৰ নামৰ লোকজন।
বৰঘূলীৰ পৰা চাইকেলেৰে ঘৰলৈ গৈ থকা অৱস্থাত বিপৰীত দিশৰ পৰা তীব্ৰ বেগত অহা এখন ডাম্পাৰে মহতিয়াই লৈ যায় আবুল বাছাৰক।
এই দুৰ্ঘটনাৰ ফলত থিতাতে নিহত হয় চাইকেল আৰোহী আবুল বাছাৰ।
দুৰ্ঘটনা সংঘটিত কৰা ডাম্পাৰ খনৰ নম্বৰ হৈছে AS 01 KC 9265।
ঘটনাৰ খবৰ পোৱা মাত্ৰকে চুলুং আৰক্ষী ঘটনাস্থলীত উপস্থিত হৈ মৃতদেহ উদ্ধাৰ কৰাৰ লগতে ডাম্পাৰ খন জব্দ কৰে।
আনহাতে, আৰক্ষীয়ে ডাম্পাৰ খনৰ চালক জনকো আটক কৰিবলৈ সক্ষম হয়। বৰ্তমান আৰক্ষীয়ে ঘটনাৰ তদন্ত অব্যাহত ৰাখিছে।