নগাঁৱত আৰক্ষীৰ গুলিচালনাত আহত ড্ৰাগছ মাফিয়া আজিজুল হক
নগাঁৱৰ বৰঘাট মৰিকলং চাৰিআলিত সংগঠিত হয় এই ঘটনা। ড্ৰাগছ মাফিয়াক কেন্দ্ৰ কৰি আৰক্ষী অধীক্ষক আনন্দ মিশ্ৰ বাহিনীয়ে কৰে গুলিচালনা।
ঘটনা অনুসৰি, নিশা বাইকেৰে আহি আছিল দুজন যুৱক। আৰক্ষীয়ে ৰখিবলৈ নিৰ্দেশ দিছিল যুৱক দুজনক। কিন্তু আৰক্ষীৰ নিৰ্দেশ অমান্য কৰি পলায়নৰ চেষ্টা কৰিছিল যুৱক দুজনে।
ইয়াৰে এজনে বাইকৰ পৰা পৰি যোৱাত ড্ৰাগছৰ কাৰ্টনখিনিও পৰি গৈছিল। তেনে সময়ত ANS টিমৰ সদস্যই ধৰিবলৈ যাওঁতে ANS টিমৰ সদস্যজনক গতামাৰি পলাবলৈ চেষ্টা কৰে ড্ৰাগছ মাফিয়াজনে।
তাৰ পাছতে আৰক্ষীয়ে গুলিয়াই আহত কৰে আজিজুল হক নামৰ ড্ৰাগছ ব্যৱসায়ীজনক।
সম্প্ৰতি নগাঁও ভোগেশ্বৰী ফুকননী অসামৰিক চিকিৎসালয়ত চিকিৎসাধীন হৈ আছে ধৃত আজিজুল হক।
আনহাতে, বাইকত আহা আনজন যুৱকৰ সন্ধানত নগাঁও আৰক্ষীয়ে আৰম্ভ কৰিছে ব্যাপক অভিযান।
উল্লেখযোগ্য যে আজিজুলৰ ভাতৃক কিছুদিন পূৰ্বে নগাঁও আৰক্ষীয়ে আটক কৰি জেল হাজোতলৈ প্ৰেৰণ কৰিছে বুলি অতিৰিক্ত আৰক্ষী অধীক্ষক (সীমান্ত শাখা) ধ্ৰুৱ বৰাই সংবাদ মাধ্যমক জানিব দিয়ে।