কলিয়াবৰত দেওবাৰে বিয়লি পুনৰ সংঘটিত হয় এক শোকাৱহ দুৰ্ঘটনা। এই দুৰ্ঘটনাতত এগৰাকী লোকে প্ৰাণ হেৰুৱাৰ লগতে আন এগৰাকী লোক গুৰুৰভাবে আহত হয়।
কলিয়াবৰৰ উলুৱনী আৰক্ষী থানাৰ অন্তৰ্গত হালোৱা গাঁৱত বিয়লি প্ৰায় পাঁচ বজাত এক শোকাৱহ দুৰ্ঘটনাট সংঘটিত হয়।
জানিব পৰা অনুসৰি কলিয়াবৰৰ শালনা কালাপানীৰ এছ ০২বি চি ৯১৩৭ নম্বৰৰ বলেৰ’ পিক-আপ ভান খনত দুজন লোকে মিছামুখ পামৰ নিজ ঘৰলৈ বুলি বাঁহৰ বেৰ কঢ়িয়াই আনিছিল।
সেই সময়তে অকস্মাতে প্ৰৱল বতাহ বলিবলৈ লোৱাত দুৰ্ভাগ্যজনকভাবে বাঁহৰ বেৰে দুয়োজনকে মহতিওৱাৰ ফলত বাহনখনৰ পৰা দুয়ো তলত পৰি যায়।
ফলত থিতাতে মিছামুখ পামৰ ভৰত থাপা (৪৭) নামৰ লোকজনৰ মৃত্যু হয়।
লগতে গুৰুতৰভাবে আহত হয় উত্তম কুমাৰ ছেত্ৰী (৩৫) নামৰ আন এজন লোক।
আহত লোকজনক ততাতৈয়াকৈ আৰক্ষী আৰু স্থানীয় ৰাইজে জখলাবন্ধা চিকিৎসালয়ত ভৰ্ত্তি কৰে যদিও চিকিৎসকে তেজপুৰ চিকিৎসা মহাবিদ্যালয়লৈ প্ৰেৰণ কৰিছে লোক জনক।
আনহাতে উলুৱনী আৰক্ষীয়ে দুৰ্ঘটনা সংঘটিত হোৱা বাহনখন জব্দ কৰিছে।
