আজি পুৱতি নিশা উত্তৰ অভয়াপুৰীৰ মাণিকপুৰৰ ৩১ নং ৰাষ্ট্ৰীয় ঘাইপথত সংঘটিত এক পথ দুৰ্ঘটনাত এজন কৰ্তব্যৰত আৰক্ষী জোৱান থিতাতে নিহত হয়। লগতে আন এজন জোৱান গুৰুতৰভাৱে আহত হয়।
দুৰ্ঘটনাটোত নিহত আৰক্ষী জোৱানজনক কোকিলা মৌলবীপাৰাৰ ৰমেজ উদ্দিন আহমেদ আৰু আহতজনক সৰভোগৰ দহলাপাৰাৰ কৃষ্ট ৰাম ৰায় বুলি চিনাক্ত কৰা হৈছে।
জানিব পৰা মতে আজি পুৱতি নিশা ৰমেজ উদ্দিন আহমেদে ৩১ নং ৰাষ্ট্ৰীয় ঘাইপথত বেৰিকেড লগাই আছিল। সেই সময়তে হাউলীৰ পৰা কৰ্ণাটক অভিমুখী আৰ জি অ’ জি বি ৮০৬৯ নম্বৰৰ এখন তীব্ৰ বেগী চুপাৰি ভৰ্তি ট্ৰাকে ৰমেজক মহতিয়াই নিয়ে।
ফলত আৰক্ষী জোৱান ৰমেজ উদ্দিন আহমেদে ঘটনাস্থলীতে নিজৰ প্ৰাণ হেৰুৱাৰ লগতে কৃষ্ট ৰাম নামৰ আনজন জোৱান গুৰুতৰভাৱে আহত হয়।
পিছত ঘটনাস্থলীত উপ আৰক্ষী অধীক্ষক অমৰজ্যোতি চৌধুৰী উপস্থিত হৈ পৰিস্থিতিৰ বুজ লয়।