মঙলবাৰে চেটজিপিটিৰ নিৰ্মাতা অ’পেনএআইয়ে প্ৰথমটো এআই চালিত ৱেব ব্ৰাউজাৰ “চেটজিপিটি এটলাছ” মুকলি কৰে। এই ৱেব ব্ৰাউজাৰটোৱে এতিয়া গুগলৰ সন্মুখত প্ৰত্যাহ্বান হৈ থিয় দিব বুলি সম্ভাৱনা প্ৰকাশ কৰিছে বিশেষজ্ঞ সকলে।
কোম্পানীটোৰ চিইঅ’ ছেম অল্টমেনে কয় যে “এটলাছে পৰম্পৰাগত ব্ৰাউজাৰ অভিজ্ঞতাক সম্পূৰ্ণৰূপে সলনি কৰিব। ই ChatGPT আন্তঃপৃষ্ঠৰ পৰা পোনপটীয়াকৈ কাম কৰে।
বৰ্তমান এপল মেকঅ’এছত এটলাছৰ প্ৰথম সংস্কৰণ মুকলি কৰা হৈছে। ব্যৱহাৰকাৰীসকলে ইয়াক এটা ChatGPT একাউণ্টৰ সৈতে লগ ইন কৰিব পাৰে আৰু একেটা চেট আন্তঃপৃষ্ঠৰ ভিতৰত ৱেব সন্ধান, ৱেবপেজ ব্ৰাউজিং, আৰু বিষয়বস্তুৰ সাৰাংশৰ দৰে বৈশিষ্ট্যসমূহ লাভ কৰিব পাৰে।
OpenAI এ কয় যে ইয়াত এটা পেইড “এজেন্ট মোড”ও অন্তৰ্ভুক্ত কৰা হ’ব। এই বৈশিষ্ট্যই ব্যৱহাৰকাৰীৰ নিৰ্দেশনাৰ ভিত্তিত স্বয়ংক্ৰিয়ভাৱে ইণ্টাৰনেট স্কেন কৰিব, তথ্য সংগ্ৰহ কৰিব, আৰু সন্ধান ফলাফলৰ সাৰাংশ উপস্থাপন কৰিব।
