NRC-ৰ নামত চুবুৰীয়া ৰাজ্যত অসমৰ লোকৰ হাৰাশাস্তি বন্ধ কৰাৰ ব্যৱস্থা ল’বলৈ মুখ্য মন্ত্ৰীক আহ্বান দেৱব্ৰত শইকীয়াৰ
চূড়ান্ত এন আৰ চি প্ৰকাশৰ পিছত চুবুৰীয়া ৰাজ্যবোৰলৈ যোৱা অসমৰ মানুহক কৰা হাৰাশাস্তি বন্ধ কৰাৰ বাবে পদক্ষেপ ল’বলৈ মুখ্য মন্ত্ৰী সৰ্বানন্দ সোণোৱালক দাবী জনাইছে বিৰোধী দলপতি দেৱব্ৰত শইকীয়াই। তাৰ বাবে চুবুৰীয়া ৰাজ্যৰ মুখ্য মন্ত্ৰীৰ সৈতে কথা পাতিবলৈ তেওঁ মুখ্য মন্ত্ৰীজনক আহ্বান জনায়।
১৪ মেঘালয়লৈ যোৱা অসমৰ বহুতো লোক হাৰাশাস্তিৰ সন্মুখীন হোৱাৰ খবৰ পোৱা বুলি দাবী কৰি বিৰোধী দলপতিজনে এই আহ্বান জনায়।
অলপতে মেঘালয়ৰ মুখ্য মন্ত্ৰী কনৰাড চাংমাই বিধানসভাত প্ৰকাশ কৰিছিল যে এন আৰ চিত অন্তৰ্ভুক্ত হোৱাৰ প্ৰমাণ দিব নোৱৰা বাবে অসমৰ পৰা ৰাজ্যখনলৈ যোৱা ২২৩জন লোকক বহিষ্কাৰ কৰা হয়।
শইকীয়াই একেই ঘটনা আন চুবুৰীয়া ৰাজ্য অৰুণাচল, নাগালেণ্ড আৰু মিজোৰামতো হোৱা বুলি দাবী কৰে।
এই ৰাজ্যবোৰৰ কিছু সংখ্যক ছাত্ৰ সংগঠনে অসমৰ পৰা যোৱা লোকসকলক এন আৰ চিত নাম আছে নে নাই তাৰ প্ৰমাণ বিচাৰি হাৰাশাস্তি কৰা বুলি শইকীয়াই জানিবলৈ দিয়ে।
তেওঁ কেন্দ্ৰীয় গৃহ মন্ত্ৰীয়ে এন আৰ চিত নাম নথকাটোৱে কাকো বিদেশী ছাব নামাৰে বুলি কোৱা মন্তব্য সোঁৱৰাই দিয়ে।
“এন আৰ চিৰ নামত অসমৰ লোকক চুবুৰীয়া ৰাজ্যবোৰত কৰা হাৰাশাস্তি মুঠেই গ্ৰহণযোগ্য নহয়”, শইকীয়াই কয়।