লখিমপুৰৰ খেলমাটি থানাত আটকাধীন বন্দীৰ জিম্মাত মৃত্যুৰ অভিযোগ উত্থাপন হোৱাৰ পিছতে স্থানীয় ৰাইজৰ ব্যাপক প্ৰতিবাদৰ সৃষ্টি কৰিছে।
খবৰ অনুসৰি খেলমাটি থানাৰ আৰক্ষী বিষয়াই মোবাইল চুৰিৰ অভিযোগত আটক কৰি ৰখা এজন ব্যক্তিৰ ৰহস্যজনক পৰিস্থিতিত থানা চৌহদতে মৃত্যু হয়।
এই ঘটনাক লৈ মৃতকৰ পৰিয়াল আৰু স্থানীয় ৰাইজৰে প্ৰতিবাদ সাৱ্যস্ত কৰে। ৰাইজে আৰক্ষীৰ বিৰুদ্ধে অভিযোগ উত্থাপন কৰি পুংখানুপুংখ তদন্তৰ আহ্বান জনাইছে।
লগতে পঢ়কঃ নলবাৰীৰ ষ্ট্ৰং ৰুমত নিৰাপত্তা ভংগৰ ঘটনাৰ তদন্ত আৰম্ভ কৰিলে অসম চৰকাৰে
নিহত লোকজন লখিমপুৰৰ দক্ষিণ চান্দমাৰী স্থানীয় অঞ্চলৰ ৪২ বছৰীয়া আৰছাভ আলী বুলি চিনাক্ত কৰা হৈছে।
আৰক্ষীৰ মতে, চুৰি মোবাইল ফোন ক্ৰয় কৰাৰ অভিযোগত আলীক জিম্মাত অনা হয়। একাংশ বাতৰি মতে তেওঁক মোবাইল ফোন চুৰি চক্ৰৰ অংশ বুলি সন্দেহ কৰা বুলিও দাবী কৰা হৈছে।
অৱশ্যে এই সন্দৰ্ভত এতিয়ালৈকে কোনো আনুষ্ঠানিক নিশ্চিতকৰণ কৰা হোৱা নাই। আৰক্ষীৰ প্ৰতিবেদনত দাবী কৰা হৈছে যে থানাত অভাৱনীয়ভাৱে অসুস্থ হৈ পৰে আলী। ঘটনাৰ কিছু সময়ৰ পিছতে তেওঁৰ মৃত্যু হয়।
লগতে পঢ়কঃ বিশ্বৰ প্ৰথম হেড ট্ৰান্সপ্লান্ট চিষ্টেম; ভাইৰেল গ্রাফিক ভিডিঅ’ দেখি চকু থৰ নেটিজেনৰ
ইপিনে, স্থানীয় ৰাইজৰ লগতে তেওঁৰ পৰিয়ালৰ লোকৰ মাজত ক্ষোভৰ সৃষ্টি হয় আৰু আৰক্ষীয়ে থানাৰ ভিতৰত আলীক নিৰ্মমভাৱে নিৰ্যাতন কৰাৰ অভিযোগ উত্থাপন কৰে।
