ভাৰতৰ চুবুৰীয়া দেশ পাকিস্তানত এতিয়া বানৰ তাণ্ডৱ। বানৰ ফলত দেশ খনত এতিয়ালৈকে ৩০০০ ৰো অধিক লোকৰ মৃত্যু ঘটিছে। নিহতসকলৰ ভিতৰত ৪০০ টিৰো অধিক শিশু থকা বুলি চৰকাৰী সূত্ৰই প্ৰকাশ কৰিছে।
বিগত কিছুদিন ধৰি দেশ খনৰ প্ৰায় ভাগ অংশতে হৈ আছে ধাৰাসাৰ বৰষুণ বৰষুণৰ ফলত দেশৰ প্ৰধান প্ৰধান নৈ , উপ-নৈ সমূহ পানীৰে উপচি পৰি বানৰ সৃষ্টি কৰিছে।দেশ খনৰ মাজৰে বৈ যোৱা স্বাত আৰু সিন্ধু নদীৰ পানীয়ে প্লাৱিত কৰিছে।
জানিব পৰা মতে বানত দেশ খনৰ তিনি কোটিৰো অধিক লোক ক্ষতিগ্ৰস্ত হৈছে । ভয়াৱহ বান পৰিস্থিতিৰ বাবেই পাকিস্তানৰ চৰকাৰে দেশ খনত ৰাষ্ট্ৰীয় জৰুৰীকালীন অৱস্থা ঘোষণা কৰিছে।
প্ৰধানমন্ত্ৰী শ্বাহবাজ শ্বৰীফে এনে প্ৰকৃতিক দুৰ্যোগৰ সময়ত সকলোকে সহায় কৰিবলৈ আহ্বান জনাইছে। বানৰ ফলত দেশ খনৰ প্ৰায় ভাগ ঠাইতে ৰে’ল তথা পথ যাতায়ত বন্ধ হৈ পৰিছে।
খাদ্যৰ সংকটেও দেখা দিছে। উদ্ধাৰ অভিযানত দেশ খনৰ সেনাক নিয়োগ কৰা হৈছে।
