পাকিস্তানী অভিনেত্ৰী শ্বেহাৰ শিনৱাৰীয়ে কৈছে যে যদি ভাৰতক পৰাস্ত কৰে তেন্তে তেওঁ জিম্বাবুৱেৰ এজন ক্ৰিকেটাৰক বিয়া কৰাব। অভিনেত্ৰীগৰাকীৰ টুইটৰ উদ্ধৃতিৰে প্ৰকাশিত সংবাদ মাধ্যমৰ বাতৰিত এই কথা প্ৰকাশ পাইছে।
খবৰ পোৱা গৈছে যে শ্বেহাৰে জিম্বাবুয়েৰ ক্ৰিকেটাৰসকলক ভাৰতক পৰাস্ত কৰিবলৈ আহ্বান জনাইছে। একে সময়তে তেওঁ লগতে কয় যে যদি জিম্বাবুৱেই এই খেলখনত ভাৰতক পৰাস্ত কৰে,তেন্তে তেওঁ জিম্বাবুৱেৰ যিকোনো এগৰাকী ক্ৰিকেটাৰক বিয়া কৰাব।
মূলত: টি-২০ বিশ্বকাপৰ ছেমি ফাইনেলত উপনীত হোৱাৰ দৌৰত আকৰ্ষণীয় পৰ্যায়ত উঠিছে গ্ৰুপ-২। এই গোটৰ দুটা দলে ছেমি ফাইনেললৈ যাব পাৰে। কিন্তু দৌৰত চাৰিটা দল আছে। য’ত তালিকাৰ শীৰ্ষস্থানত থকা ভাৰত আৰু দক্ষিণ আফ্ৰিকাৰে ছেমি ফাইনেললৈ যোৱাৰ সম্ভাৱনা অধিক।
অংকৰ হিচাপত বাংলাদেশ আৰু পাকিস্তানৰো সম্ভাৱনা আছে। কিন্তু তাৰ বাবে অসম্ভৱ প্ৰদৰ্শনৰ লগতে ভাৰত-দক্ষিণ আফ্ৰিকাৰ বাকী থকা মেচবোৰলৈ চাব লাগিব। ইয়াৰ সৈতে আছে বৰষুণৰ কৃপা।
I'll marry a Zimbabwean guy, if their team miraculously beats India in next match 🙂
— Sehar Shinwari (@SeharShinwari) November 3, 2022
এনে জটিল সমীকৰণৰ মাজতে পাকিস্তানী অভিনেত্ৰী শ্বেহৰ শিনৱাৰীয়ে বিশ্বকাপৰ ছেমি ফাইনেলত নিজৰ দেশক চাবলৈ এই অদ্ভুত প্ৰস্তাৱ দিছে।