পঞ্চায়ত নিৰ্বাচন : কৃষ্ণাইত নিৰ্দলীয় প্ৰাৰ্থীৰ প্ৰত্যাহ্বানৰ সন্মুখীন হোৱাৰ সম্ভাৱনা শাসক-বিৰোধীৰ
দ্বিতীয় পৰ্যায়ৰ পঞ্চায়ত নিৰ্বাচনৰ দিন চমু চাপি অহাৰ লগে লগে গোৱালপাৰা জিলাৰ দুধনৈ বিধানসভা সমষ্টিৰ অন্তৰ্গত কৃষ্ণাই গাঁওপঞ্চায়তৰ ঘৰে ঘৰে বিভিন্ন ৰাজনৈতিক দলৰ প্ৰাৰ্থীৰ লগতে একাংশ নিৰ্দলীয় প্ৰাৰ্থীয়ে নিজৰ নিজৰ সমৰ্থনত প্ৰচাৰ চলোৱা দেখা গৈছে।
মন কৰিব লগীয়া যে শেহতীয়াকৈ কৃষ্ণাইত শাসক-বিৰোধী একাংশ কৰ্মীয়ে মুকলিকৈ নিৰ্দলীয় প্ৰাৰ্থীক সমৰ্থন জনোৱা দেখা গৈছে। বিজেপি আৰু কংগ্ৰেছ কৰ্মীয়ে মোটা অংকৰ ধনৰ বিনিময়ত অনুপযুক্ত প্ৰাৰ্থীক প্ৰাৰ্থিত্ব প্ৰদান কৰাৰ বাবেই এনেদৰে একাংশ নেতা-কৰ্মীয়ে নিৰ্দলীয় প্ৰাৰ্থীক সমৰ্থন কৰা বুলি জানিব পৰা গৈছে।
উল্লেখ্য যে আগন্তুক পঞ্চায়ত নিৰ্বাচনত কৃষ্ণাই গাওঁপঞ্চায়ত সভাপতি পদৰ বাবে বিজেপি দলে ছাহাবুল ইছলামক ইছলামকৰ প্ৰাৰ্থীত্ব প্ৰদান কৰাত বিজেপি দলৰ অন্যতম প্ৰাৰ্থীত্বৰ দাবীদাৰ শ্যামল মিত্ৰ নিৰ্দলীয় হিচাপে মনোনয়নপত্ৰ দাখিল কৰাত বিজেপিৰ অংকত আউল লগাতো এক প্ৰকাৰ নিশ্চিত হৈ পৰিছে ৷
শাসকীয় দলৰ লগতে কংগ্ৰেছ দলেও জনমত আওকান কৰি ধনৰ বিনিময়ত প্ৰাৰ্থীত্ব প্ৰদান কৰাত কৃষ্ণাই ব্লক কংগ্ৰেছৰ মুখপাত্ৰ জয়ন্ত ৰায়ে সদলবলে কংগ্ৰেছৰ প্ৰাৰ্থীক পৰাভুত কৰাৰ বাবে নিৰ্দলীয় প্ৰাৰ্থীৰ শ্যামল মিত্ৰ কাষচাপি কংগ্ৰেছ দলৰ বাবে তীব্ৰ প্ৰত্যাহ্বানৰ সৃষ্টি কৰিছে।
উল্লেখযোগ্য যে কংগ্ৰেছ দলৰ টিকটৰ দাবীদাৰ প্ৰক্তন বিধায়ক প্ৰয়াত মহম্মদ আলীৰ পুত্ৰ ৰামিছ ৰাজা (ৰজকুমাৰ), আব্দুল আউৱাল পাৰমানৱিকৰ সলনি শ্বাহ আলমক টিকট প্ৰদান কৰাত ক্ষুণ্ণ হৈ দুয়োজন টিকট প্ৰত্যাশীয়ে নিৰ্দলীয় প্ৰাৰ্থী হিচাপে মনোনয়নপত্ৰ দাখিল কৰে।
গাওঁপঞ্চায়তখনত আউৱাল পাৰমাণৱিক (নিৰ্দলীয়), শ্বাহ আলম (কংগ্ৰেছ), ছাহাবুল ইছলাম (বিজেপে), শ্যামল (মিত্ৰ নিৰ্দলীয়), ৰামিছ ৰাজা (ৰাজকুমাৰ) নিৰ্দলীয় আৰু অগপৰ পৰা আইজুদ্দিন আহমেদে প্ৰাৰ্থীত্ব আগবঢ়াইছে৷