তামুলপুৰত পথ দুৰ্ঘটনাত শিশুসহ একেটা পৰিয়ালৰ ৩জন আহত
বাক্সা জিলাৰ তামুলপুৰ আৰক্ষী থানাৰ অন্তৰ্গত তামুলপুৰ-নাগ্ৰিজুলি-উদালগুৰি পথত থকা ঘগমাৰিত আজি সন্ধিয়া প্ৰায় ৬ বজাত সংঘটিত এক পথ দুৰ্ঘটনাত শিশুসহ একেটা পৰিয়ালৰ তিনিজন সদস্য গুৰুতৰভাৱে আহত হয়।
আহত লোককেইজনক লাটিবাৰীৰ মাজগাৰি গাঁৱৰ কমল ৰাভা(৪০), ইণ্ডিৰা ৰাভা(৩৫) আৰু ভৃগু ৰাভা(১০) বুলি চিনাক্ত কৰা হৈছে।
জানিব পৰা মতে এখন মটৰচাইকেলেৰে কমল ৰাভা তেওঁৰ পত্নী ইণ্ডিৰা ৰাভা আৰু পুত্ৰ ভৃগু ৰাভা তামুলপুৰৰ দীঘলীপাৰ গাঁৱৰ দিশে আহি থকা অৱস্থাত এই দুৰ্ঘটনা সংঘটিত হয়।
তেওঁলোকে ঘগমাৰিত আহি উপস্থিত হোৱাৰ সময়তে কচুবাৰীৰ পৰা তামুলপুৰ অভিমূখে আহি থকা এখন চাৰিচকীয়া বাহনে খুন্দা মৰাত পৰিয়ালটি আহত আহত হয়।
আনহাতে দুৰ্ঘটনা সংঘটিত কৰিয়েই চাৰিচকীয়া বাহনখনে ঘটনাস্থলীৰ পৰা পলায়ন কৰে। স্থানীয় লোকে পিছত তামুলপুৰ আৰক্ষী থানাত খবৰ দিয়াত আৰক্ষীৰ দল উপস্থিত হৈ আহতসকলক উদ্ধাৰ কৰে।
আহত তিনিগৰাকীকে প্ৰথমে তামুলপুৰ প্ৰাৰ্থমিক স্বাস্থ্য কেন্দ্ৰত ভৰ্তি কৰোৱা হয় যদিও পিছত উন্নত চিকিৎসাৰ বাবে তেওঁলোকক জি এম চি এইচলৈ প্ৰেৰণ কৰা হয়। দুৰ্ঘটনা সংঘটিত কৰা বাহনখনক ধৰাৰ বাবে আমুলপুৰ আৰক্ষীয়ে অভিযান চলাই আছে।