ৰাজ্যত নগৰাঞ্চলৰ তুলনাত গ্ৰামাঞ্চলত ক’ভিড সংক্ৰমণৰ হাৰ দ্ৰুত গতিত বৃদ্ধি পাইছে। ইয়াৰ পৰা সাৰি যোৱা নাই যোৰহাটৰ টীয়কো।
ইতিমধ্যে টীয়কৰ গ্ৰামাঞ্চলত ৯ টাকৈ অঞ্চল কণ্টেইনমেইন্ট জ’ন যোৰহাট জিলা প্ৰশাসনে ঘোষণা কৰিছে।
কিন্তু এই কণ্টেইনমেইন্ট জ’নৰ ভিতৰৰ গাওঁবাসীৰ মাজত তীব্ৰ খাদ্য সংকটে দেখা দিছে। যি সময়ত ৰাজ্য চৰকাৰে ক’ভিডৰ ক্ষেত্ৰত সকলোকে খাদ্য সামগ্ৰীকে আদি কৰি বিভিন্ন সুবিধা দিয়াৰ কথা কৈ আহিছে সেই সময়তে টীয়কৰ উত্তৰ দুলীয়া গাঁৱৰ কণ্টেইনমেইন্ট জ’নত বিগত ৮ টা দিনে আৱদ্ধ হৈ থকা গাঁওবাসী তীব্ৰ খাদ্য সংকটত ভুগিছে।
ইয়াৰ ফলত এতিয়া কণ্টেইনমেইন্ট জ’ন ভংগ কৰি ওলাই অহাৰ হুংকাৰ প্ৰদান কৰিছে গাঁওবাসীয়ে।
উল্লেখযোগ্য যে টীয়কৰ উত্তৰ দুলীয়া গাঁৱৰ কণ্টেইনমেইন্ট জ’নৰ লগতে আৰু বহু কেইটা কন্টেইনমেন্ট জ’নত আজি পযর্ন্ত খাদ্য যোগান নধৰাত খাদ্য সংকটে দেখা দিছে।