ভাৰতীয় বায়ুসেনাৰ মিগ-২১ বাইছন এখন ৰাজস্থানত শুকুৰবাৰে সন্ধিয়া মাজ আকাশতে ভাগি পৰাৰ ফলত বিমানখনৰ পাইলটগৰাকীৰ মৃত্যু ঘটিছে।
চলিত বছৰতেই ইয়াকে লৈ পঞ্চমবাৰৰ বাবে এইদৰে মিগ বিমান ভাগি পৰাৰ ঘটনা সংঘটিত হৈছে।
ভাৰতীয় বায়ুসেনাৰ বিবৃতিত কোৱা হৈছে যে নিশা ৮বাজি ৩০ মিনিটত প্ৰশিক্ষম চলি থকাৰ সময়ত ৱেষ্টাৰ্ণ ছেক্টৰত বিমানখন ভাগি পৰে। বিমান দুৰ্ঘটনাত উইং কমাণ্ডাৰ হৰ্ষিত সিনহাৰ মৃত্যু ঘটিছে। এই ঘটনাৰ তদন্ত ঘোষণা কৰা হৈছে।
Also Read: কৰ ফাঁকি: সুগন্ধি দ্ৰব্যৰ ব্যৱসায়ীৰ ঘৰত টকাৰ পাহাৰ; জব্দ নগদ ১৭৭কোটি টকা
উল্লেখ্য যে মিগ-২১ ছিৰিজৰ শেহতীয়া প্ৰযুক্তিৰ বিমান হৈছে বাইছন। ভাৰতীয় বায়ুসেনাই মিগ-২১ বাইছন যুদ্ধবিমানৰ চাৰিটা স্কোৱাড্ৰেন পৰিচালনা কৰে। ইয়াৰে এটা স্কোৱাড্ৰেনত কমেও ১৬ৰ পৰা ১৮খন ফাইটাৰ জেট থাকে।
ভাৰতীয় বায়ুসেনাই ১৯৬৩চনত প্ৰথমবাৰ ছিংগল ইঞ্জিনৰ মিগ বিমান লাভ কৰিছিল।
With deep sorrow, IAF conveys the sad demise of Wing Commander Harshit Sinha in the flying accident this evening and stands firmly with the family of the braveheart.
— Indian Air Force (@IAF_MCC) December 24, 2021
এই মিগ বিমান বাৰে বাৰে কিয় দুৰ্ঘটনাত পতিত হৈছে তাক লৈও প্ৰশ্নৰ অৱতাৰণা হৈছে। শেহতীয়া এই ঘটনাই এই প্ৰশ্নক আকৌ এবাৰ সজীৱ কৰি তুলিলে।
ইপিনে, মিগ বিমানৰ সুৰক্ষাক লৈয়ো আশংকাই দেখা দিছে। এতিয়ালৈকে প্ৰায় চাৰিশ মিগ বিমান দুৰ্ঘটনাগ্ৰস্ত হৈছে। তদুপৰি, বিগত ছয় দশকত কমেও দুশ গৰাকী পাইলটৰ মৃত্যু হৈছে।
