পশ্চিমবংগ বিধানসভা নিৰ্বাচনৰ সময়ত দিদি অ’ দিদি বুলি মমতা বেনাৰ্জীক আক্ৰমণ কৰা প্ৰধানমন্ত্ৰী নৰেন্দ্ৰ মোদীয়ে আজি মমতাক শুভেচ্ছা জ্ঞাপন কৰে।
তৃতীয়বাৰৰ বাবে বংগৰ মুখ্যমন্ত্ৰী হিচাবে শপতগ্ৰহণ কৰা মমতা বেনাৰ্জীক আজি প্ৰধানমন্ত্ৰী মোদীয়ে তেওঁৰ টুইটাৰত শুভেচ্ছা জ্ঞাপন কৰে।
লক্ষ্যণীয় ভাবে মোদীয়ে মমতাক দিদি সম্বোধন কৰিয়েই শুভেচ্ছা জ্ঞাপন কৰিছে।মোদীয়ে তেওঁৰ শুভেচ্ছা বাৰ্তাটো মমতা বেনাৰ্জীৰ টুইটাৰ হেণ্ডলতো টেগ কৰি দিছে।
উল্লেখ্য মমতা বেনাৰ্জীয়ে আজি বংগৰ মুখ্যমন্ত্ৰী হিচাবে ৰাজভৱনলৈ গৈ শপতগ্ৰহণ কৰে।
Congratulations to Mamata Didi on taking oath as West Bengal’s Chief Minister. @MamataOfficial
— Narendra Modi (@narendramodi) May 5, 2021
ক’ৰ’না পৰিস্থিতিৰ বাবেই অতি অনাড়ম্বৰ ভাবে মমতাই মুখ্যমমন্ত্ৰী হিচাবে শপতগ্ৰহণ কৰে।
ৰাজ্যপাল জগদীপ ধনকৰে মমতাক পদ আৰু গোপনীয়তাৰ শপত বাক্য পাঠ কৰোৱায়।
তৃতীয়বাৰৰ বাবে মুখ্যমন্ত্ৰীৰ পদত অধিষ্ঠিত হোৱা বাবে ৰাজ্যপাল ধনকৰেও মমতাক শুভেচ্ছা জ্ঞাপন কৰে।মমতাক ভনী বুলি সম্বোধন কৰে ৰাজ্যপালগৰাকীয়ে।
ইপিনে নিৰ্বাচনী ফলাফল ঘোষণাৰ পিছতে একাংশ তৃণমূল কৰ্মীয়ে বিজেপিৰ কৰ্মীক আক্ৰমণ কৰাৰ ঘটনা সংঘটিত হৈছে।
মুখ্যমন্ত্ৰী হিচাবে শপত গ্ৰহণ কৰি মমতাই কয় যে এনে ধৰণৰ হিংসা কঠোৰ হাতেৰে দমন কৰা হ’ব।
