অসমত ২৫ লাখ দিব নোৱাৰিলে; এইবাৰ ভাৰতত ১০ লাখ নিযুক্তিৰ ঘোষণা প্ৰধানমন্ত্ৰী নৰেন্দ্ৰ মোদীৰ
২০১৪ চনৰ লোকসভাৰ নিৰ্বাচনৰ পূৰ্বে নিবনুৱা যুৱক-যুৱতীৰ সপোনৰ সদাগৰ হিচাপে থিয় দিছিল প্ৰধানমন্ত্ৰী নৰেন্দ্ৰ মোদীয়ে।
সকলোৱে আশা কৰিছিল সমগ্ৰ ভাৰতবৰ্ষৰ পৰা দূৰ হ’ব নিবনুৱা সমস্যা। প্ৰধানমন্ত্ৰী নৰেন্দ্ৰ মোদী অসমলৈ আহি নিজেই ২৫ লাখ নিবনুৱা যুৱক-যুৱতীক চাকৰি দিম বুলি ঘোষণা কৰি গৈছিল।
কিন্তু ২৫ লাখ বাদেই ১ লাখ নিবনুৱা যুৱক-যুৱতীক চৰকাৰী চাকৰিত নিযুক্তি দিব নোৱাৰিলে হিমন্ত বিশ্ব শৰ্মা নেতৃত্বাধীন এইখন বিজেপি চৰকাৰে।
লগতে পঢ়ক: বানত বিধ্বস্ত মহানগৰ: কৃত্ৰিম বানে পানী খুৱাইছে মহানগৰবাসীক
কিন্তু ২০২৪ চনৰ লোকসভা নিৰ্বাচনৰ প্ৰতি লক্ষ্য ৰাখি মোদীয়ে আকৌ এক চমক সৃষ্টি কৰাৰ পদক্ষেপ হাতত লৈছে।
পিএমঅ’ ইণ্ডিয়া ফেচবুক পেজ যোগে এই ঘোষণা কৰিছে প্ৰধানমন্ত্ৰী নৰেন্দ্ৰ মোদীয়ে।
এইবাৰ সমগ্ৰ ভাৰততেই মাত্ৰ ১০ লাখ নিযুক্তিৰ কথা ঘোষণা কৰিছে প্ৰধানমন্ত্ৰী নৰেন্দ্ৰ মোদীয়ে।
যিসময়ত ব্যক্তিগত খণ্ডৰ লাখ লাখ লোকে সংস্থাপন হেৰুৱাইছে সেই সময়তে আকৌ আন এক যেন চমক দাঙি ধৰিলে প্ৰধানমন্ত্ৰী নৰেন্দ্ৰ মোদীয়ে।
লগতে পঢ়ক: এইবাৰ শ্ৰীলংকাত মোদীৰ আদানি প্ৰীতি! শ্ৰীলংকাৰ বিদ্যুৎ ব’ৰ্ডৰ চেয়াৰমেনৰ পদত্যাগ
ভাৰতবৰ্ষৰ যুৱক-যুৱতীৰ বাবে এয়া কিবা আশাৰ বতৰা নে নতুনকৈ নিৰাশাৰ সতৰ্কবাৰ্তা সেয়া সময়েহে ক’ব।