প্ৰধানমন্ত্ৰী নৰেন্দ্ৰ মোদীক আজি আৱেগিক হৈ পৰা দেখা গ’ল।
দীৰ্ঘ বিৰতিৰ অন্তত ৰাজহুৱা ভুমুকি মাৰি প্ৰধানমন্ত্ৰীয়ে ক’ভিডত মৃত্যু হোৱা লোকসকলক সোঁৱৰণ কৰে আৰু আৱেগিক হৈ পৰে।
“এই ভাইৰাছবিধে আমাৰ মৰমৰ বহু লোকক কাঢ়ি নিলে। মই তেওঁলোকলৈ গভীৰ শ্ৰদ্ধা নিবেদন কৰিছো আৰু তেওঁলোকৰ পৰিয়ালবৰ্গলৈ সমবেদনা জ্ঞান কৰিছো।”- প্ৰধানমন্ত্ৰীয়ে কয়।
তেওঁ প্ৰতিনিধিত্ব কৰা সমষ্টি বাৰানছিৰ স্বাস্থ্য কৰ্মীসলকলৰ স’তে হোৱা এখন ভিডিঅ’ কনফাৰেন্সযোগে প্ৰধানমন্ত্ৰীয়ে চিকিৎসক আৰু ফ্ৰ্ণ্টলাইন কৰ্মীসকললৈ ধন্যবাদ জ্ঞাপন কৰে।
“আপোনালোকে ভাইৰাছবিধ গুৰুত্বপূৰ্ণভাৱে আয়ত্তলৈ আনিছে, কিন্তু এয়া আত্মতুষ্টিৰ সময় নহয়। সমুখত আমাৰ এখন দীঘল যুঁজ পৰি আছে।”- প্ৰধানমন্ত্ৰীয়ে চিকিৎসক আৰু স্বাস্থকৰ্মীসকলক এইদৰে কয়।
PM @narendramodi gets emotional, remembers those who lost their lives during #COVID19@PMOIndia pic.twitter.com/PVYolSG9oO
— DD News (@DDNewslive) May 21, 2021
কনফাৰেন্সখনত প্ৰধানমন্ত্ৰীয়ে এটা নতুন শ্লোগানো আওঁৰায়।
তেওঁ কয়- “জাহান বিমাৰ, ৱহীঁ উপচাৰ”, অৰ্থাৎ য’তেই বেমাৰ, তাতেই চিকিৎসা।
ইয়াৰ দ্বাৰা তেওঁ ৰোগীৰ স’তে চিকিৎসাসেৱা অধিক কাষ চপাই অনাৰ কথা পোষকতা কৰে।
তেওঁ কয় যে এই পদক্ষেপৰ দ্বাৰা ক’ভিডৰ দ্বিতীয় ঢৌৱে দেশৰ স্বাস্থ্য ব্যৱস্থাৰ ওপৰত আনি দিয়া ভাবুকিক কমাব পাৰিব।
আনহাতে, ভেকচিনৰ ওপৰত মন্তব্য প্ৰদান কৰি প্ৰধানমন্ত্ৰীয়ে অনাগত দিনত চৰকাৰে প্ৰত্যেক লোককে ভেকচিন প্ৰদান কৰিব।
ব্লেক ফাংগাছৰ ওপৰত মন্তব্য কৰি তেওঁ কয় যে ই এটা নতুন প্ৰত্যাহ্বান আৰু ইয়াৰ স’তে মুখামুখি হ’বৰ বাবে প্ৰস্তুতি আৰু সাৱধানতা গ্ৰহণ কৰিব লাগে।