চীনৰ ৰাষ্ট্ৰপতি জি জিনপিঙৰ সৈতে দ্বিতীয়লানি বৈঠক আৰম্ভ হোৱাৰ পূৰ্বে প্ৰধান মন্ত্ৰী নৰেন্দ্ৰ মোদীয়ে শনিবাৰে ৰাতিপুৱাই মামাল্লাপুৰমৰ সাগৰ তীৰত পেলনীয়া বুটলি ফুৰা দৃশ্যই সকলোৰে দৃষ্টি আকৰ্ষণ কৰিছে।
চেন্নাইৰ পৰা প্ৰায় ৫০ কিলোমিটাৰ আঁতৰৰ উক্ত স্থানত প্ৰধান মন্ত্ৰীগৰাকীয়ে ৰাতিপুৱাই আৰম্ভ কৰা ৩০ মিনিট জোৰা স্বচ্ছতা অভিযানে আমাৰ ৰাজহুৱা স্থানসমূহৰ পৰিৱেশ পৰিচ্ছন্ন কৰি ৰখাৰ ক্ষেত্ৰত দেশৰ জনসাধাৰণক স্বাভাৱিকতে অনুপ্ৰাণিত কৰিব।
প্ৰধান মন্ত্ৰী মোদীয়ে টুইট কৰা এক ভিডিঅ’ত দেখা গৈছে যে তেওঁ নিশা কটোৱা তাজ ফিছাৰমেনছ ক’ভ ৰিছৰ্ট এণ্ড স্পা’ৰ কাষৰ সাগৰ তীৰত পেলনীয়া সামগ্ৰী-প্লাষ্টিক আদি বুটলিছে।
Plogging at a beach in Mamallapuram this morning. It lasted for over 30 minutes.
Also handed over my ‘collection’ to Jeyaraj, who is a part of the hotel staff.
Let us ensure our public places are clean and tidy!
Let us also ensure we remain fit and healthy. pic.twitter.com/qBHLTxtM9y
— Narendra Modi (@narendramodi) October 12, 2019
‘’আজি ৰাতিপুৱা মামাল্লাপুৰমৰ সাগৰ তীৰত পেলনীয়া বুটলো। এয়া প্ৰায় ৩০ মিনিট সময় ধৰি কৰো। লগতে মোৰ সংগ্ৰহ কৰা পেলনীয়াখিনি হোটেলখনৰ এগৰাকী কৰ্মী জেয়ৰাজৰ হাতত তুলি দিও,’’-টুইটত তেওঁ এনেদৰে লিখিছে।
‘’আমাৰ ৰাজহুৱা স্থানবোৰ পৰিষ্কাৰ তথা স্বচ্ছ কৰি ৰখাটো নিশ্চিত কৰো আহক! লগতে আমি সক্ষম আৰু স্বাস্থ্যকৰ হৈ থকাটোও নিশ্চিত কৰো,’’-প্ৰধান মন্ত্ৰী মোদীয়ে লগতে লিখিছে।
আজি প্ৰধান মন্ত্ৰী মোদীয়ে তেওঁ থকা হোটেলখনতে চীনৰ ৰাষ্ট্ৰপতি জি জিনপিঙৰ সৈতে এখন বৈঠকত মিলিত হ’ব।
বৈঠকৰ পাছতে প্ৰতিনিধি দলৰ মাজত আলোচনা অনুষ্ঠিত হ’ব আৰু তাৰপাছতে প্ৰধান মন্ত্ৰী মোদীয়ে অতিথি চীনৰ ৰাষ্ট্ৰপতিগৰাকীৰ বাবে মধ্যহ্ন ভোজনৰ আয়োজন কৰিব।
