দেশৰ ৰাষ্ট্ৰপতি,উপ-ৰাষ্ট্ৰপতি আৰু প্ৰধানমন্ত্ৰীৰ বাবে আমেৰিকাৰ পৰা অনাৰ ব্যৱস্থা কৰা হৈছে অত্যাধুনিক প্ৰযুক্তিৰে সমৃদ্ধ বিমান।
মাৰ্কিন ৰাষ্ট্ৰপতি ডোনাল্ড ট্ৰাম্পে ব্যৱহাৰ কৰাৰ উচ্চ প্ৰযুক্তি সম্পন্ন এয়াৰ ফোৰ্চ-ৱান বিমানৰ দৰেই ভাৰতৰ শীৰ্ষ ৰাজনীতিকৰ সুৰক্ষাৰ বাবে অনা এই বিমানত সংযুক্ত হৈ আছে এনে প্ৰযুক্তি যি প্ৰযুক্তিয়ে শত্ৰু পক্ষই মাৰি পঠিওৱা মিছাইলো সহজে ধ্বংস কৰিব পাৰিব।
আমেৰিকাৰ ব’য়িং কোম্পানীয়ে প্ৰস্তুত কৰা ব’য়িং ৭৭৭ ই আৰ নামৰ বিমানত থকা এয়াৰ ক্ৰাফট ইনফ্ৰাৰেড কাউণ্টাৰ মেছাৰ্ছ ছিষ্টেমে যিকোনো মিছাইলেই ধ্বংস কৰিব পাৰিব।
এই বিমানে ইনফ্ৰাৰেড ৰশ্মি প্ৰতিহত কৰিব পাৰিব আৰু কোনো প্ৰযুক্তিৰ জৰিয়তে বিমানৰ যোগাযোগ ব্যৱস্থা ব্যাহত কৰিব পৰা নাযাব।
ৰাষ্ট্ৰপতি,উপ-ৰাষ্ট্ৰপতি আৰু প্ৰধানমন্ত্ৰীৰ সুৰক্ষাৰ দিসটোৰ প্ৰতি বিশেষ গুৰুত্ব আৰোপ কৰি নিৰ্মাণ কৰা এনে বিমানৰ প্ৰথমখন বিমান আনিবলৈ ইতিমধ্যে আমেৰিকালৈ গৈছে ভাৰতৰ এক উচ্চস্তৰীয় প্ৰতিনিধিৰ দল।
শীৰ্ষ ৰাজনীতিকৰ সুৰক্ষাৰ বাবে সাজি উলিওৱা এনে দুখন বিমানৰ বাবে ভাৰতে আমেৰিকাক আদায় দিছে ৮ হাজাৰ ৪৫৮ কোটি টকা।
ছেপ্তেম্বৰ মাহৰ মাজ ভাগত ভাৰত আহি পাবহি দ্বিতীয় খন এনে ধৰণৰ বিমান।
